နောက်ဆုံးရသတင်းများ
ပြည်သူ့လွှတ်တော်အစည်းအဝေးကျင်းပမှုကို လာရောက်လေ့လာ တတိယအကြိမ် ပြည်သူ့လွှတ်တော် တတိယပုံမှန်အစည်းအဝေး ၂၈ ရက်မြောက်နေ့ကျင်းပ ပြည်သူ့လွှတ်တော်ဥက္ကဋ္ဌ ဦးခင်ရီ လွှတ်တော်သို့လာရောက်လေ့လာသည့် မိုးနဲမြို့နယ်မှ ဒေသခံပြည်သူများအား လက်ခံတွေ့ဆုံ တတိယအကြိမ် ပြည်သူ့လွှတ်တော် တတိယပုံမှန်အစည်းအဝေး (၂၈) ရက်မြောက်နေ့ (၁၃-၁၁-၂၀၂၆) အစည်းအဝေးမှတ်တမ်း အကျဉ်းချုပ် ပြည်သူ့လွှတ်တော်၊ အစိုးရမဟုတ်သော ပြည်တွင်း/ပြည်ပ အဖွဲ့အစည်းများဆိုင်ရာ ကော်မတီ ဥက္ကဋ္ဌ ဦးသက်ပုံ မြန်မာ - တရုတ် စိုက်ပျိုးရေးနှင့် မွေးမြူရေး ဖွံ့ဖြိုးတိုးတက်ရေးဖောင်ဒေးရှင်းမှ တာဝန်ရှိပုဂ္ဂိုလ်များအား လက်ခံတွေ့ဆုံ
MY EN

(က)-ဦးလှဆွေ(ပုဗ္ဗသီရိမဲဆန္ဒနယ်)

2026-11-16
တတိယအကြိမ်
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန
Q&A Image
ပါဝင်ဆွေးနွေးသူများ -
မေးခွန်း
ဦးလှဆွေ (ပုဗ္ဗသီရိ မဲဆန္ဒနယ်) ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ

တပ်ကုန်းမြို့နယ်၊ အောင်မြေရိပ်သာ- နောင်ဘိုအိုး- ကံကြီး ကျေးရွာချင်းဆက်လမ်းအား ကျောက်ချော လမ်းအဖြစ် ဆောင်ရွက်ပေးရန် အစီအစဉ် ရှိ မရှိ သိရှိလိုခြင်းနှင့်စပ်လျဉ်းသည့်မေးခွန်း

ခရိုင်ချင်းဆက် လမ်းမကြီးသည် နေပြည်တော်- တပ်ကုန်း- ရမည်းသင်း- ပျော်ဘွယ်- မိတ္ထီလာ စသည်ဖြင့် တောက်လျှောက်ကြီး ကွန်ကရစ်လမ်းခင်းထားခြင်းဖြစ်ပါကြောင်း၊  ၎င်းလမ်း၏ အရှေ့ဘက်တွင် နောင်ဘိုအိုး- ကံကြီး- အောင်မြေရိပ်သာ ရွာများရှိပြီး အိမ်ထောင်စု လူဦးရေ ၅,၀၀၀ ကျော် ရှိပြီး ခရိုင်ချင်း ဆက်လမ်းကိုဖောက်မည်ဆိုပါက ၂ မိုင်နှင့် ၆ ဖာလုံရှိပါကြောင်း၊ ၎င်း ၂ မိုင်နှင့် ၆ ဖာလုံ လမ်းသည် မိုးရာသီတွင်ဗွက်များထနေသည့်အတွက် ရာသီမရွေးသွားလာနိုင်သည့် ကျောက်ချောလမ်းအဖြစ် မည်သည့် ဘဏ္ဍာရေးနှစ်တွင် ဆောင်ရွက်နိုင်ခြင်း ရှိ / မရှိ မေးမြန်းပါသည်။

အဖြေ
အဖြေ

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ဒုတိယဝန်ကြီး၊ ဦးသိုက်စိုး က

ပြည်ထောင်စုနယ်မြေ၊ နေပြည်တော်၊ တပ်ကုန်းမြို့နယ်၊ အောင်မြေရိပ်သာ - နောင်ဘိုအိုး - ကံကြီးကျေးရွာချင်းဆက်လမ်း သည် မိုးရာသီတွင် ရွံ့ဗွက်များနှင့် သွားလာရ ခက်ခဲသည့် လမ်းဖြစ်ပြီး ၂ မိုင်နှင့် ၆.၆၂ ဖာလုံ ရှိပြီး  ပြည်ထောင်စုမှ စီမံခန့်ခွဲသည့်လမ်းဖြစ်ပါကြောင်း၊ ရာသီမရွေး ဆက်သွယ်နိုင်သည့်လမ်းအဖြစ်ကို ဆက်လက်ဆောင်ရွက်ပေးရန် လိုအပ်သည့်အတွက် လာမည့် ၂၀၂၇ - ၂၀၂၈ ဘဏ္ဍာရေးနှစ်တွင် ၂ မိုင် ကွန်ကရစ်လမ်းခင်းခြင်းလုပ်ငန်း ဆောင်ရွက်ရန် နေပြည်တော်ကောင်စီ ငွေလုံးငွေရင်း ရန်ပုံငွေတွင် လျာထားတင်ပြထားပြီး ဖြစ်ပါကြောင်းနှင့် ကျန်ရှိသည့် ၆.၆၂ ဖာလုံ ကွန်ကရစ်လမ်းခင်းခြင်း ဆောင်ရွက်ရန်အတွက် နေပြည်တော်ကောင်စီ ဖြည့်စွက်ရန်ပုံငွေတွင် လျာထားတင်ပြပြီး ရန်ပုံငွေ ရရှိမှုအပေါ်မူတည်၍ ဆက်လက်ဆောင်ရွက်ပေးသွားမည်ဖြစ်ပါကြောင်း ဖြေကြားခဲ့ပါသည်။