(ည) - ဦးကျော်မင်းထွန်း(ဇီးကုန်းမဲဆန္ဒနယ်)

ဇီးကုန်းမြို့နယ် ဇီးကုန်း-ဘော်ဘင် ကတ္တရာလမ်းပိုင်း (၁၀/၅) မိုင် ပြန်လည်ပြုပြင်ပေးရန် အစီအစဉ် ရှိ မရှိ သိရှိလိုခြင်းနှင့်စပ်လျဉ်းသည့်မေးခွန်း

ပဲခူးတိုင်းဒေသကြီး၊ နတ်တလင်းခရိုင်၊ ဇီးကုန်းမြို့နယ်မှ ဇီးကုန်း- ဘော်ဘင် ကတ္တရာ လမ်းပိုင်း ၁၀မိုင်၊ ၅ ဖာလုံလမ်းသည် ကျေးရွာအုပ်စု ၄ အုပ်စုမှ ပြည်သူများ နေ့စဉ်နှင့်အမျှ ဇီးကုန်းမြို့နှင့် ဆက်သွယ်သွားလာနေကြခြင်းဖြစ်ပါကြောင်း။

အဆိုပါလမ်းသည် ဆိတ်ဖူးကျင်းကျေးရွာအုပ်စု ကန်ကြီးကျေးရွာထိပ်မှ ဘော်ဘင်ကျေးရွာ အုပ်စု၊ ဘော်ဘင်ကျေးရွာထိပ်အထိ ဆိုးရွားစွာပျက်စီးနေပြီး ပြန်လည်ပြုပြင်ပေးရန် လိုအပ်နေ ပါသဖြင့် ဒေသခံပြည်သူများ၏ တင်ပြချက်အရ တင်ပြပါလမ်းပိုင်းအား ပြန်လည်ပြုပြင်ပေးရန် အစီအစဉ် ရှိ၊ မရှိနှင့် ရှိပါက မည်သည့်အချိန်ကာလတွင် ဆောင်ရွက်ပေးမည်အား သိရှိလိုပါကြောင်း မေးမြန်းခဲ့ပါသည်။

ဆောက်လုပ်ရေးဝန်ကြီးဌာန၊ ဒုတိယဝန်ကြီး ဦးမျိုးမြင့် က

မေးခွန်းပါလမ်းသည် ရန်ကုန်-ပြည်လမ်းရှိ ဇီးကုန်းမြို့၊ သံပုရာခုန်ရွာမှစတင်၍ ခရိုင် ချင်းဆက် လမ်းအမှတ် ၁ ကို ဖြတ်သန်းပြီး ဘော်ဘင်ရွာသို့ ဆက်သွယ်ထားသော အရှည် ၁၀ မိုင်၊ ၅ ဖာလုံရှိ သည့် ပြည်ထောင်စုအစိုးရမှ စီမံခန့်ခွဲသော Class-A လမ်းဖြစ်ပါကြောင်း၊ လက်ရှိလမ်း အခြေအနေတွင် ကတ္တရာလမ်း ၁ဝ မိုင်၊ ၅ ဖာလုံဖြစ်ပါကြောင်း၊ ပဲခူးတိုင်းဒေသကြီးအတွင်း လမ်းမိုင်ပေါင်း ၂,၄၃၀ မိုင်ရှိပြီး လက်ရှိလမ်းအခြေအနေမှာ ကတ္တရာကွန်ကရစ်လမ်း ၃၁၉ မိုင်၊ ၄ ဖာလုံ၊ ကွန်ကရစ်လမ်း ၂၉၈ မိုင်၊ ၅ ဖာလုံ၊ ကတ္တရာလမ်း ၉၃၇ မိုင်၊ ၅ ဖာလုံ၊ ကျောက်လမ်း ၂၇၈ မိုင်၊ ၄ ဖာလုံ၊ အမာခံလမ်း ၂၇၁ မိုင်၊ ၆ ဖာလုံနှင့် မြေလမ်း ၃၂၄ မိုင်ဖြစ်ပါကြောင်း။

၂၀၂၆-၂၀၂၇ ဘဏ္ဍာရေးနှစ်တွင် ပြည်ထောင်စုရန်ပုံငွေဖြင့် လမ်းအရှည် ၁.၅ ဖာလုံအား ကတ္တရာထပ်ပိုးလွှာခင်းခြင်းလုပ်ငန်း ဆောင်ရွက်သွားမည်ဖြစ်ပါကြောင်း၊ လာမည့် ၂၀၂၇-၂၀၂၈ ဘဏ္ဍာ ရေးနှစ်တွင် လမ်းအရှည် ၁ မိုင်အား ကတ္တရာထပ်ပိုးလွှာခင်းခြင်း လုပ်ငန်း ဆောင်ရွက်ပေး နိုင်ရန် ပြည်ထောင်စုရန်ပုံငွေတွင် လျာထားဆောင်ရွက်သွားမည် ဖြစ်ပါကြောင်း၊ ဆက်လက်၍ ကျန်လမ်းပိုင်းများကိုလည်း နှစ်အလိုက် ရန်ပုံငွေလျာထားပြီး ရန်ပုံငွေရရှိမှုအပေါ်မူတည်၍ ဆက်လက်ဆောင်ရွက် ပေးသွားမည်ဖြစ်ပါကြောင်း ပဲခူးတိုင်းဒေသကြီး အစိုးရအဖွဲ့မှပေးပို့သော အချက်အလက်များနှင့် ပေါင်းစပ်ဖြေကြားခဲ့ပါသည်။