Skip to main content

မေးခွန်း အကြောင်းအရာ 

san san eiမိုးညှင်းမြို့နယ်သည် ကချင်ပြည်နယ်ကနေ ပြည်မကို ဆက်သွယ်သော မန္တလေး-မြစ်ကြီးနား ရထားလမ်း၊ ကားလမ်းဆုံသည့် ခရိုင်ရုံးစိုက်သော (က)အဆင့် မြို့နယ် တစ်ခုလည်း ဖြစ်ပြီး အဖိုးတန်ကျောက်စိမ်းသယံဇာတတွေ ထွက်ရှိရာ နန့်စီမှော်၊ ဖားကန့်မှော်တည်ရပါကြောင်း၊ ကချင်ပြည်နယ် နယ်စပ်ဂိတ် ဖြစ်သည့် နန့်စီအောင်စစ်ဆေးရေးဂိတ်ကို ကျောက်စိမ်းနှင့် တရားမဝင်လုပ်ငန်းများ ဖမ်းဆီးနိုင်ရန် အဲဒီဂိတ်ကို ရည်ရွယ်ပြီး ၆ လ ၂ ရက်နေ့တွင် စတင်ဖွင့်လှစ်ခဲ့ပါကြောင်း၊ ဖွဲ့စည်းအုပ်ချုပ်ပုံအခြေခံဥပဒေ အခန်း(၈)တွင် နိုင်ငံသားများ၏ မူလအခွင့်အရေးနှင့် တာဝန်တွေဖြစ်သော ပုဒ်မ ၃၇၀ အရ နိုင်ငံသားတိုင်းသည် ဥပဒေနှင့်အညီ စီးပွား ရှာဖွေပိုင်ခွင့်ရှိသကဲ့သို့ နိုင်ငံတော်ကို အခွန်ပေးဆောင်ရန်အတွက်လည်း ပုဒ်မ ၃၈၉ အရ တာဝန်ရှိပါကြောင်း၊

နယ်စပ်စစ်ဆေးရေးဂိတ်များတွင် ဖမ်းဆီးရမိသော ယာဉ်ယန္တရားများကို နိုင်ငံတော် အနေနှင့် နိုင်ငံသားများ၏ တရားဝင်ရရှိပိုင်ဆိုင်ထားသော ရွှေ့ပြောင်းနိုင်သေ ပစ္စည်း၊ မရွှေ့ပြောင်းနိုင်သောပစ္စည်းနှင့် စပ်လျဉ်းပြီး ဥပဒေအရ ကာကွယ်ပေးရန်လည်း တာဝန်ရှိသည့်အတွက် လူစီးယာဉ်များအပါအဝင် နောက်ဆုံးဖမ်းဆီးရရှိထားသော ယန္တရားများကို သက်ဆိုင်ရာဝန်ကြီး ဌာနတွေအနေဖြင့် ဥပဒေအရ အရေးယူဆောင်ရွက်ထားခြင်းရှိ/မရှိကို သိရှိလိုပါကြောင်း မေးမြန်းပါသည်။


 

တရားသူကြီး ဦးမြင့်အောင်
ဖြေကြားချက် 

myint aungမိုးညှင်းမြို့နယ်၊ နန့်စီအောင်စစ်ဆေးရေးဂိတ်တွင် ၇-၂-၂၀၁၇ ရက်နေ့ကစပြီး တရားမဝင်လိုင်စင်မဲ့ကားများနှင့် ကျောက်စိမ်းအပါအဝင် တရားမဝင်ပစ္စည်းများ ရှာဖွေဖမ်းဆီးရမိခြင်းနှင့်စပ်လျဉ်းပြီး မိုးညှင်းမြို့နယ် တရားရုံးကို ၂၄-၂-၂၀၁၇ ရက်နေ့မှာ အမှုနှစ်မှု၊ ၁၅-၅-၂၀၁၇ ရက်နေ့မှာ တစ်မှု၊ ၁၆-၅-၂၀၁၇ ရက်နေ့မှာ တစ်မှု၊ ၁၈-၅-၂၀၁၇ ရက်နေ့မှာ တစ်မှု၊ ၅-၆-၂၀၁၇ ရက်နေ့မှာ ရှစ်မှု စုစုပေါင်း ၁၃ မှုကို တရားစွဲတင်ပို့ခဲ့ပါတယ်။ မိုးညှင်းမြို့နယ်တရားရုံးက ရာဇဝတ်ကြီးမှုအမှတ်-၃၅၃/၂၀၁၇၊ ၃၅၄/၂၀၁၇၊ ၇၁၀/၂၀၁၇၊ ၇၁၂/၂၀၁၇၊ ၇၁၇/၂၀၁၇၊ ၇၃၈/၂၀၁၇၊ ၇၃၉/၂၀၁၇၊ ၇၄၀/၂၀၁၇၊ ၇၄၁/၂၀၁၇၊ ၇၄၂/၂၀၁၇၊ ၇၄၃/၂၀၁၇၊ ၇၄၄/၂၀၁၇ နှင့် ၇၄၅/၂၀၁၇ အသီးသီးတို့ဖြင့် အမှုဖွင့်လှစ်လက်ခံ ဆောင်ရွက်ခဲ့ပါကြောင်း၊

အဆိုပါအမှုများအနက် တရားမဝင်မြေဆီအိတ်များ ဖမ်းဆီးရမိခြင်းနှင့်ပတ်သက်ပြီး မိုးညှင်း မြို့နယ်တရားရုံး၊ ရာဇဝတ်ကြီးမှုအမှတ်-၃၅၃/၂၀၁၇တွင် တရားခံ ရာဇာပါ ၂ ဦးကို ပို့ကုန်သွင်းကုန် ဥပဒေပုဒ်မ ၈ အရ အလုပ်နှင့်ထောင်ဒဏ် သုံးလစီ ကျခံစေ ရန်နှင့် ငွေဒဏ်နှစ်သိန်းစီပေးဆောင်စေရန်၊ တရားမဝင်မြေဆီအိတ်များကို ၉၀၄ အမြောက်တပ်ရင်းတွင် ထိန်းသိမ်းထားရှိပြီး တရားရုံးကို တင်ပို့ အပ်နှံခြင်းမရှိသည့်အတွက် သက်သေခံပစ္စည်း မြေဆီအိတ်များနှင့် စပ်လျဉ်းပြီး အမိန့် ချမှတ်ခြင်းမပြုဘဲ သက်သေခံပစ္စည်း လိုင်စင်ရှိတရားဝင်မော်တော်ကားအား ပိုင်ရှင် ပြန်ပေးစေရန် ၁၉-၅-၂၀၁၇ ရက်နေ့က အမိန့်ချမှတ်ခဲ့ပါကြောင်း၊ ရာဇဝတ်ကြီးမှု အမှတ်-၃၅၄/၂၀၁၇ တွင် တရားခံ အောင်ထွေးကို ပို့ကုန် သွင်းကုန်ဥပဒေပုဒ်မ ၈ အရ အလုပ်နှင့်ထောင်ဒဏ် သုံးလ ကျခံစေရန်နှင့် ငွေကျပ် နှစ်သိန်း ပေးဆောင် စေရန်၊ တရားမဝင်မြေဆီအိတ်များကို ၉၀၄ အမြောက်တပ်ရင်းတွင် ထိန်းသိမ်းထားရှိပြီး တရားရုံးကို တင်ပို့အပ်နှံခြင်းမရှိတဲ့အတွက် သက်သေခံပစ္စည်း မြေဆီအိတ်များနှင့် စပ်လျဉ်းပြီး အမိန့်ချမှတ်ခြင်း မပြုဘဲ သက်သေခံပစ္စည်းလိုင်စင်ရှိ တရားဝင် မော်တော်ကားအား ပိုင်ရှင်ပြန်ပေးစေရန် ၁၉-၅-၂၀၁၇ ရက်နေ့တွင် အမိန့်ချမှတ်ခဲ့ပါကြောင်း၊

တရားမဝင်လိုင်စင်မဲ့ မော်တော်ကားများဖမ်းဆီးရမိခြင်း နှင့်ပတ်သက်ပြီး မိုးညှင်းမြို့နယ် တရားရုံး၊ ရာဇဝတ်ကြီးမှုအမှတ်-၇၃၈/၂၀၁၇တွင် တရားခံမျိုးအောင်ကို ပို့ကုန်သွင်းကုန် ဥပဒေပုဒ်မ ၈ အရ ထောင်ဒဏ် ၁၅ ရက်ကျခံစေဖို့နှင့် ဒဏ်ငွေ သုံးသိန်းပေးဆောင် စေဖို့၊ မဆောင်ပျက်ကွက်လျှင် ထောင်ဒဏ် ၆ လ ကျခံစေဖို့နှင့် ကချင် ပြည်နယ် အစိုးရအဖွဲ့က လွှဲပြောင်းရယူထားသော သက်သေခံတရားမဝင် လိုင်စင်မဲ့မော်တော် ကားကို ပြည်သူ့ဘဏ္ဍာအဖြစ် သိမ်းဆည်းစေရန် အမိန့်ချမှတ်ခဲ့ပါကြောင်း၊  ရာဇဝတ်ကြီးမှုအမှတ်-၇၃၉/၂၀၁၇ မှာ တရားခံ ထွန်းစိန်ကို ပို့ကုန်သွင်းကုန်ဥပဒေပုဒ်မ ၈ အရ ထောင်ဒဏ် ၁၅ ရက်ကျခံစေဖို့နှင့် ငွေဒဏ် သုံးသိန်းကျပ် ပေးဆောင်စေရန်၊ မဆောင်လျှင် ထောင်ဒဏ် ၆ လ ကျခံစေရန်နှင့် ကချင်ပြည်နယ်အစိုးရအဖွဲ့က လွှဲပြောင်းရယူထားတဲ့ သက်သေခံတရားမဝင် လိုင်စင်မဲ့မော်တော်ကားကို ပြည်သူ့ ဘဏ္ဍာအဖြစ် သိမ်းဆည်းစေရန် အမိန့်ချမှတ်ခဲ့ပါကြောင်း၊ ရာဇဝတ်ကြီးမှုအမှတ်-၇၄၀/၂၀၁၇ မှာ တရားခံ ဂမ်ထွယ်ကို ပို့ကုန်သွင်းကုန်ဥပဒေပုဒ်မ ၈ အရ ထောင်ဒဏ် ၁၅ ရက်ကျခံစေဖို့နှင့် ငွေဒဏ် သုံးသိန်း ပေးဆောင် စေရ်၊ မဆောင်လျှင် ထောင်ဒဏ် ၆ လ ကျခံစေရန်နှင့် ကချင်ပြည်နယ်အစိုးရအဖွဲ့က လွှဲပြောင်း ရယူထားသော သက်သေခံတရားမဝင် လိုင်စင်မဲ့မော်တော်ကားကို ပြည်သူ့ဘဏ္ဍာအဖြစ် သိမ်းဆည်း စေရန် အမိန့်ချမှတ်ခဲ့ပါကြောင်း၊

ရာဇဝတ်ကြီးမှုအမှတ်-၇၄၁/၂၀၁၇ တွင် တရားခံ ဌေးဝင်းကို ပို့ကုန် သွင်းကုန် ဥပဒေပုဒ်မ ၈ အရ ထောင်ဒဏ် ၁၅ ရက်ကျခံစေဖို့နှင့် ငွေဒဏ် သုံးသိန်းကျပ် ပေးဆောင်စေရန်၊ မဆောင်လျှင် ထောင်ဒဏ် ၆ လ ကျခံစေရန်နှင့် ကချင် ပြည်နယ်အစိုးရအဖွဲ့က လွှဲပြောင်းရယူထားတဲ့ သက်သေခံ တရားမဝင် လိုင်စင်မဲ့ မော်တော်ကားကို ပြည်သူ့ဘဏ္ဍာအဖြစ် သိမ်းဆည်းစေရန် အမိန့် ချမှတ်ခဲ့ပါကြောင်း၊

ရာဇဝတ်ကြီးမှုအမှတ်-၇၄၂/၂၀၁၇ တွင် တရားခံ သန်းဇော် အား ပို့ကုန်သွင်းကုန်ဥပဒေပုဒ်မ ၈ အရ ထောင်ဒဏ် ၁၅ ရက်ကျခံစေရန်နှင့် ငွေဒဏ် သုံးသိန်း ပေးဆောင်စေရန်၊ မဆောင်လျှင် ထောင်ဒဏ် ၆ လ ကျခံစေရန်နှင့် ကချင်ပြည်နယ်အစိုးရအဖွဲ့က လွှဲပြောင်းရယူထားသော သက်သေခံတရားမဝင် လိုင်စင်မဲ့ကားကို ပြည်သူ့ဘဏ္ဍာအဖြစ် သိမ်းဆည်းစေရန်၊ ရာဇဝတ်ကြီးမှုအမှတ်-၇၄၃/၂၀၁၇ တွင် တရားခံ သက်နိုင်ဦး အား ပို့ကုန်သွင်းကုန်ဥပဒေပုဒ်မ ၈ အရ ထောင်ဒဏ် ၁၅ ရက်ကျခံစေရန်နှင့် ငွေဒဏ် သုံးသိန်းကျပ် ပေးဆောင်စေရန်၊ မဆောင်လျှင် ထောင်ဒဏ် ၆ လ ကျခံစေရန်နှင့် ကချင်ပြည်နယ်အစိုးရအဖွဲ့က လွှဲပြောင်းရယူထားသော သက်သေခံတရားမဝင် လိုင်စင်မဲ့မော်တော်ကား ကို ပြည်သူ့ ဘဏ္ဍာအဖြစ် သိမ်းဆည်းစေရန် အမိန့်ချမှတ်ခဲ့ပါကြောင်း၊  ရာဇဝတ်ကြီးမှုအမှတ်-၇၄၄/၂၀၁၇ တွင် တရားခံ ရဲမြင့်ထူး ကို ပို့ကုန်သွင်းကုန်ဥပဒေပုဒ်မ ၈ အရ ထောင်ဒဏ် ၁၅ ရက်ကျခံစေရန်နှင့် ငွေဒဏ် သုံးသိန်းကျပ် ပေးဆောင်စေရန်၊ မဆောင်လျှင် ထောင်ဒဏ် ၆ လ ကျခံစေရန်နှင့် ကချင် ပြည်နယ်အစိုးရအဖွဲ့က လွှဲပြောင်းရယူ ထားသော သက်သေခံတရားမဝင် လိုင်စင်မဲ့မော်တော်ကားကို ပြည်သူ့ဘဏ္ဍာအဖြစ် သိမ်းဆည်းစေရန် အမိန့်ချမှတ်ခဲ့ပါကြောင်း၊  ရာဇဝတ်ကြီးမှုအမှတ်-၇၄၅/၂၀၁၇ တွင် တရားခံ နိုင်အောင်ကျော်ဦး အား ပို့ကုန်သွင်းကုန်ဥပဒေပုဒ်မ ၈ အရ ထောင်ဒဏ် ၁၅ ရက်ကျခံစေရန်နှင့် ငွေဒဏ် သုံးသိန်း ပေးဆောင်စေရန်၊ မဆောင်လျှင် ထောင်ဒဏ် ၆ လ ကျခံစေရန်၊ ကချင်ပြည်နယ်အစိုးရအဖွဲ့က လွှဲပြောင်းရယူထားတဲ့ သက်သေခံ တရားမဝင် လိုင်စင်မဲ့မော်တော်ကား ကို ပြည်သူ့ဘဏ္ဍာအဖြစ် သိမ်းဆည်းစေဖို့ ၁၅-၆-၂၀၁၇ ရက်နေ့က အသီးသီး အမိန့်ချမှတ်ခဲ့ပါကြောင်း၊

ကျန်ရှိသည့် မိုးညှင်းမြို့နယ်တရားရုံး ရာဇဝတ်ကြီးမှုအမှတ်-၇၁၀/၂၀၁၇ တွင် တရားခံ အောင်သူရ အပေါ် ကျောက်မျက်ဥပဒေပုဒ်မ ၄၂ ပုဒ်မခွဲ(က)ဖြင့်လည်းကောင်း၊ ရာဇဝတ်ကြီးမှု အမှတ်-၇၁၇/၂၀၁၇ သည် တရားခံ မြင့်အောင်ပါ ၃ ဦး အား ကျောက်မျက်ဥပဒေပုဒ်မ ၄၂ ပုဒ်မခွဲ(က) ဖြင့်လည်းကောင်း အရေးယူတရားစွဲ တင်ပို့ခဲ့သည့် အမှုများဖြစ်ပြီး ရာဇဝတ်ကြီးမှုအမှတ်-၇၁၂/၂၀၁၇ အမှုသည် အမိုနီယမ်နိုက်ထရိတ်မြေဆီများ ဖမ်းဆီးရမိခြင်းအတွက် တရားခံ ဖုန်းမြင့်ပါ ၂ ဦးတို့ကို ပို့ကုန်သွင်းကုန်ဥပဒေပုဒ်မ ၈ အရ အရေးယူတရားစွဲတင်ပို့ခဲ့သည့်အမှုများ ဖြစ်ပါ ကြောင်းနှင့်  အဆိုပါ အမှု သုံးမှုသည် စစ်ဆေးဆဲအမှုများဖြစ်ပါကြောင်း၊

ထို့ကြောင့် မိုးညှင်း မြို့နယ်၊ နန့်စီအောင်စစ်ဆေးရေးဂိတ်တွင် တရားမဝင်လိုင်စင်မဲ့ ကားများနှင့် ကျောက်စိမ်းအပါအဝင် တရားမဝင်ပစ္စည်းများ ရှာဖွေဖမ်းဆီးရရှိမှုနှင့် ပတ်သက်ပြီး မိုးညှင်းမြို့နယ်တရားရုံးကို အမှုပေါင်း ၁၃ မှု တရားစွဲတင်ပို့ခဲ့ရာ အမှု ၁၀ မှုကို စစ်ဆေးအမိန့်ချမှတ်ပြီးဖြစ်ပါကြောင်းနှင့် ကျန်သုံးမှုသည့် စစ်ဆေးဆဲအမှုများ ဖြစ်ပါကြောင်း ပြန်လည်ဖြေကြားပါသည်။

ဒေါ်စန်းစန်းအိ(မိုးညှင်း) က ဆက်စပ်မေးခွန်းမေးမြန်းပါသည်။

ဖမ်းဆီးရမိထားသည့် သက်သေခံပစ္စည်းများကို တရားရုံးကို မတင်ပို့ထားခြင်းမရှိပါက အဆိုပါ အမှုများကို မည်သို့ကိုင်တွယ်ဖြေရှင်းမည်ဆိုသည်နှင့် ဖမ်းဆီးရမိသော ကျောက်စိမ်းများသည် အရွယ်အစားသေးသည်ကအစ အရည်အသွေးအပေါ်မူတည်ပြီး တန်ဖိုးကို အဆိုပါသက်သေခံပစ္စည်းများကို ပွင့်လင်းမြင်သာမှုရှိအောင်မည်သို့ ထိန်းသိမ်းသည်ဆိုသည်ကို သိရှိလိုပါကြောင်း မေးမြန်းပါသည်။

ပြည်ထောင်စုတရားလွှတ်တော်ချုပ်၊ တရားသူကြီး ဦးမြင့်အောင် 

 တရားရုံးများတွင် သက်သေခံပစ္စည်းနှင့်ပတ်သက်၍ တရားရုံးကို တင်ပို့သော တရားရုံး၏ ထိန်းသိမ်းမှုအောက်တွင်ရှိသော သက်သေခံပစ္စည်းများကိုသာ စီမံခန့်ခွဲ သည့် အမိန့်ချမှတ်ရန် ရာဇဝတ်ကျင့်ထုံးဥပဒေပုဒ်မ ၅၁၇ တွင် ပြဋ္ဌာန်းထားပါကြောင်း၊ တရားစွဲအဖွဲ့အစည်းက တချို့ကိစ္စရပ်များတွင် သက်သေခံပစ္စည်းကို တင်ပို့ခြင်းမရှိဘဲ သီးခြားထိန်းသိမ်းထားပြီး သက်သေခံပစ္စည်း ရှိသည်ဆိုသော အချက်အလက် များကိုသာ တရားရုံးတော်ကို တင်ပြခြင်းဖြစ်ပါကြောင်း၊ သက်သေခံပစ္စည်းတင်ပြခြင်း မရှိသည့် အမှုများတွင် သက်သေထွက်ဆိုချက်၊ တင်ပြသည့် သက်သေခံ အထောက်အထားများအရ ပြစ်မှုပေါ်ပေါက်ခြင်းရှိ/မရှိကိုသာ ဆုံးဖြတ်ပြီး သက်သေခံပစ္စည်းနှင့် ပတ်သက်၍ အတင်း အကျပ်တင်ပြပေးရန် ညွှန်ကြားသည့် ကိစ္စရပ်မျိုး မရှိပါကြောင်း၊  တရားစွဲအဖွဲ့အစည်းက ပြည့်စုံအောင် ဆောင်ရွက်ပေးရမည့် တာဝန်သာရှိပါကြောင်းနှင့် ရုံးရှေ့တင်ပို့သည့် သက်သေခံပစ္စည်းများကိုသာ အမိန့်ချမှတ်ခြင်းဖြစ်ပါကြောင်း ပြန်လည်ရှင်းဖြေလင်းဖြေကြားပါသည်။