ပြည်ထောင်စုလွှတ်တော်၊ ဥပဒေရေးရာနှင့်အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင် ဥက္ကဋ္ဌ သူရဦးရွှေမန်း Phoenix Association အဖွဲ့နှင့် အရပ်ဖက်လူမှုအဖွဲ့အစည်းများအား လက်ခံတွေ့ဆုံ

ပြည်ထောင်စုလွှတ်တော်၊ ဥပဒေရေးရာနှင့် အထူးကိစ္စရပ် များလေ့လာဆန်းစစ်သုံး သပ်ရေးကော်မရှင်ဥက္ကဋ္ဌ သူရဦးရွှေမန်းသည်ပြည်ထောင်စုလွှတ်တော်ကော်မရှင် သို့ လေ့လာရေးလာရောက်သည့်  Phoenix Association လူမှုရေးအသင်းအဖွဲ့မှ ဦးသီဟကြိုင် ဦးဆောင်သော အရပ်ဖက်လူမှုအဖွဲ့အစည်း(၁၃)ခုမှကိုယ်စားလှယ်များ ပါဝင်သည့် အဖွဲ့အား ယနေ့ မွန်းလွဲ ၁ နာရီတွင် နေပြည်တော်ရှိလွှတ်တော်အဆောက် အအုံ၊ရေးရာဆောင်အမှတ်  (I-11)  ၌ လက်ခံတွေ့ဆုံသည်။

ထိုသို့ တွေ့ဆုံစဉ် တရားဥပဒေ စိုးမိုးရေးနှင့် ပြည်သူ့ဘဝလုံခြုံမှု တိုးတက်မြင့်မား လာစေရေး အတွက် ဥပဒေပိုင်းဆိုင်ရာ ပြုပြင်ပြောင်းလဲပေးရန် လိုအပ်နေမှုများ၊ HIV/AIDS ဆိုင်ရာ လူမှုအဖွဲ့အစည်းများ၏ ဆောင်ရွက်နေမှု အခြေအနေများ၊ တွေ့ကြုံနေရသည့် အခက်အခဲများ၊ မူးယစ်ဆေးဝါး သုံးစွဲပြန့်နှံ့နေမှုနှင့် ထိန်းချုပ်ဟန့်တားရေးဆိုင်ရာ  ကိစ္စရပ်များနှင့် စပ်လျဉ်း၍ တက်ရောက်လာသူများ က ဆွေးနွေးအကြံပြု ရာ ကော်မရှင်ဥက္ကဋ္ဌ က ပြန်လည်ရှင်း လင်းပြောကြားသည်။

အဆိုပါ တွေ့ဆုံပွဲသို့ ပြည်ထောင်စုလွှတ်တော် ဥပဒေရေးရာနှင့် အထူးကိစ္စရပ်များ လေ့လာ ဆန်းစစ်သုံးသပ်ရေး ကော်မရှင်ဥက္ကဋ္ဌနှင့်အတူ ကော်မရှင်အဖွဲ့ဝင်များနှင့် တာဝန်ရှိသူများ တက်ရောက်ကြသည်။

၂၀၁၆ ခုနှစ်၊ ဒီဇင်ဘာလ ၉ ရက်

Standard (Image)