Skip to main content

(ခ)-ကျောက်တံတား မြို့နယ်၊မြေပေါ်ရှိ ဓာတ်တိုင် များအပေါ်၊အိမ်နံရံများ၊ မြေအောက်ရေဆိုးမြောင်း များအတွင်းနှင့် အဓိက လမ်းမကြီးများ ထောင့်တို့ တွင် ရှုပ်ထွေးစုပုံထားသော ဆက်သွယ်ရေးဝါယာ ကြိုးများအား ရှင်းလင်းပေးရန် အစီအစဉ် ရှိ/ မရှိ နှင့်စပ်လျဉ်းသည့် မေးခွန်း

Submitted by on 10 July 2017

photo၂၀၁၆ ခုနှစ် စက်တင်ဘာလက ကုန်သည်လမ်းနှင့် လမ်း ၄၀ ဓာတ်တိုင်တွင် ဆက်သွယ်ရေးဝါယာနှင့် လျှပ်စစ်ဝါယာများ လေတိုက်ပြီး မီးလောင်ကျွမ်းခဲ့ရပါကြောင်း၊ ကုန်သည်လမ်းနှင့် လမ်း ၄၀ လမ်း အနောက်ဘက် သမိုင်းဝင်ဂန္ဒီခန်းမ၊ ဆက်သွယ်ရေးရုံးချုပ်အနီး၊ အနော်ရထာလမ်းမနှင့် ဆိပ်ကမ်းသာလမ်းထောင့်တွင် ဆက်သွယ်ရေးဝါယာကြိုးများ ရှုပ်ထွေးနေပါကြောင်း၊ ကုန်သည်လမ်းမပေါ်ရှိ ဆက်သွယ်ရေးဝါယာကြိုးများ၊ လျှပ်စစ်ဝါယာကြိုး များနှင့် သစ်ပင်များတွင် ငြိ၍ ဟောင်းနွမ်းဆွေးမြည့်ပြီး ရှုပ်ထွေးနေပါကြောင်း၊ မဟာဗန္ဓုလလမ်း ပေါ် ပန်းဆိုးတန်းလမ်းထောင့်တွင် မြို့နယ်စည်ပင်သာယာရေးက ရေမြောင်းများကိုတူးဖော်ပြီး ဆက်သွယ်ရေးဝါယာများကို ရေမြောင်းများထဲတွင် စည်းကမ်းတကျမထားခဲ့သည်မှာ အလွန် ဆိုးရွားသောပြဿနာ တစ်ခုဖြစ်ပါကြောင်း၊ အနော်ရထာလမ်းတွင် ထားရှိသော ဆက်သွယ်ရေး ပုံးများ၊ ဆက်သွယ်ရေးကြိုးများကိုလည်း မြေအောက်တွင်သာမက မြေပေါ်တွင်ပါ ဆက်သွယ် ထားပုံသည် မသေမသပ်ဖြစ်နေပါကြောင်း၊ ဆက်သွယ်ရေးကြိုးများ သွယ်တန်းမှု    မကောင်းသည့် အတွက် ရေကြီးသည့်အခါ ဖုန်းလိုင်း ပြတ်တောက်ခြင်းများ အလွယ်တကူ ဖြစ်ပါကြောင်း၊ ကျောက်တံတားမြို့နယ်သည် မြို့လယ်ခေါင်ဖြစ်သည့်အတွက် ကျောက်တံတားမြို့နယ်အတွင်းရှိ ဆက်သွယ်ရေးကြိုးများကို နိုင်ငံတကာအဆင့်မီ၊ စနစ်တကျ ပြုလုပ်သင့်ပါကြောင်း၊ ပို့ဆောင်ရေးနှင့် ဆက်သွယ်ရေးဝန်ကြီးဌာနသည် ဂျပန်နိုင်ငံ KPPI စူမီတိုတို့နှင့် အကျိုးတူ ပူးပေါင်း ဆောင်ရွက်နေသော၊  နိုင်ငံတကာအဆင့်မီစေရန် ဆောင်ရွက်နေသော၊ ရှေ့သို့လှမ်းချီ မြန်မာပြည်ဟူ၍ MPT နှင့် ကြော်ငြာနေသော ဝန်ကြီးဌာနဖြစ်ပါကြောင်း၊

 သို့ဖြစ်ပါ၍ ရန်ကုန်တိုင်းဒေသကြီး၊ ကျောက်တံတားမြို့နယ်အတွင်း မြေပေါ်ရှိ ဓာတ်တိုင်များ၊ အိမ်နံရံများ ၊ ရေမြောင်းများအတွင်းနှင့် အဓိကလမ်းမကြီးများ ထောင့်တို့တွင် ရှုပ်ထွေးပြီး စုပုံထားသော၊ အန္တရာယ်ရှိနိုင်သောဆက်သွယ်ရေးကြိုးများကို စနစ်တကျ သွယ်တန်းပြီး ရှင်းလင်းပေးရန်အစီအစဉ်ရှိ/မရှိကို သိရှိလိုပါကြောင်း မေးမြန်းပါသည်။


 

photoဓာတ်တိုင်များပေါ်ရှိ ကေဘယ်လ်ကြိုးများတွင်  မြန်မာ့ဆက်သွယ်ရေးလုပ်ငန်းအပြင် ရန်ကုန် လျှပ်စစ်ဓာတ်အားပေးရေးကော်ပိုရေးရှင်း (YESC) ၏ ခွင့်ပြုချက်နှင့် လိုင်စင်ရအခြား ဆက်သွယ်ရေးကုမ္ပဏီများနှင့် အော်ပရေတာများက သွယ်တန်းထားသော ဆက်သွယ်ရေး ကေဘယ်လ်ကြိုးများလည်း ပါဝင်ပါကြောင်း၊ မြန်မာ့ဆက်သွယ်ရေးလုပ်ငန်းအနေဖြင့် ဓာတ်တိုင်များပေါ်ရှိ တယ်လီဖုန်းကေဘယ်လ်ကြိုးများရှင်းလင်းရေး လေးလစီမံချက်ကို ၂၀၁၇ ခုနှစ် ဇန်နဝါရီလမှ ဧပြီလအထိ ဆောင်ရွက်ခဲ့ပါကြောင်း၊

ယခင် ၁၉၇၈-၁၉၈၂ ခုနှစ်နှင့် ၁၉၈၃-၁၉၈၆ ခုနှစ် အသီးသီးတွင် ဆောင်ရွက်ခဲ့သော ပထမနှင့် ဒုတိယဆက်သွယ်ရေးဖွံ့ဖြိုးမှု စီမံကိန်းကာလများအတွင်း ရန်ကုန်မြို့(Downtown) ခြောက်မြို့နယ် အနက် ပန်းပဲတန်းမြို့နယ်နှင့် ကျောက်တံတားမြို့နယ်တွင် ဆက်သွယ်ရေး တယ်လီဖုန်းတိုင်များ အစား မြို့တွင်းသန့်ရှင်းသာယာလှပစေရန် ရည်ရွယ်ပြီး မြန်မာ့ဆက်သွယ်ရေးလုပ်ငန်းက Overhead ကေဘယ်လ်တွေကို wall type စနစ်ဖြင့် အဆောက်အဦနံရံများတွင် ချိတ်ဆွဲသွယ်တန်း ထားခဲ့ခြင်းဖြစ်ပါကြောင်း၊

ကျောက်တံတားမြို့နယ်အတွင်း မဟာဗန္ဓုလလမ်းနှင့် ပန်းဆိုးတန်းလမ်းထောင့်ရှိ Kyaw Home Mart အဆောက်အဦကို အသစ်ပြန်လည်ပြင်ဆင်နေသော အချိန်အတောအတွင်း ၎င်း အဆောက်အဦနံရံများတွင် သွယ်တန်းထားသော ကေဘယ်လ်များကို ယာယီဖြုတ်ချထားခဲ့ ရသည့်အတွက် ကြိုးများရှုပ်ထွေးနေသောအနေအထား ဖြစ်ပေါ်ခဲ့ရခြင်းဖြစ်ပါကြောင်း၊ အဆောက်အဦ ပြင်ဆင်သောလုပ်ငန်းများ ဆောင်ရွက်ပြီးဖြစ်သော ၂၀၁၇ ခုနှစ် မေလအတွင်း ၎င်းအဆောက်အဦ နံရံများတွင် ကေဘယ်လ်များကို စနစ်တကျပြန်လည် သွယ်တန်းခဲ့ပြီး ဖြစ်ပါကြောင်း၊ ဇွန်လ ၁၅ ရက်နေ့တွင် အပြီးဆောင်ရွက်ခဲ့နိုင်ပါကြောင်း၊ ကုန်သည်လမ်းနှင့် မဟာဗန္ဓုလပန်းခြံထောင့်တွင် မြေအောက်ကေဘယ်လ် လမ်းကြောင်းပေါ်ရှိ  ရေ‌မြောင်းများ ပြုပြင်နေသည့်အခါ ၎င်းနေရာရှိ မြေအောက်ကေဘယ်လ်အချို့ကို မြေပေါ်တွင်ယာယီထားရှိခဲ့ရပြီး ရေမြောင်းပြုပြင်ခြင်းလုပ်ငန်းများ ပြီးစီးသော ၂၀၁၇ ခုနှစ် မေလအတွင်း ကေဘယ်လ်များကို ရေမြောင်းဘေးတစ်လျှောက်တွင် စနစ်တကျပြန်လည်ချခင်းခဲ့ပြီး ဖြစ်ပါကြောင်း၊

၂၀၁၆ ခုနှစ် အောက်တိုဘာလမှ ၂၀၁၇ ခုနှစ် မတ်လအထိ ခြောက်လပွင့်လင်းရာသီစီမံချက်ဖြင့် ရန်ကုန်မြို့တော်စည်ပင်သာယာရေး နယ်နိမိတ်အတွင်းဆောင်ရွက်ခဲ့သော ကြိုတင်ပြင်ဆင်မွမ်းမံ ထိန်းသိမ်းခြင်းလုပ်ငန်းများဖြစ်သော (က)       Overhead ကေဘယ်လ်များကို စနစ်တကျ သွယ်တန်း ဆောင်ရွက်ခြင်း၊ (ခ)     ဟောင်းနွမ်းနေသော ကေဘယ်လ်နှင့် ကြိုးများကို အသစ် လဲလှယ်ခြင်း၊ (ဂ)    ရှုပ်ထွေးနေသော ကေဘယ်လ်များကို ရှင်းလင်းဆောင်ရွက်ခြင်း၊ (ဃ) ယိုင်နေသော တယ်လီဖုန်းတိုင်များကို ပြန်လည်တည့်‌မတ်ခြင်း၊ လျော့ကျနေသော ဆိုင်းကြိုးများကို တင်းညှိခြင်းတို့ကို ဆောင်ရွက်ခဲ့ပါကြောင်း၊

ထို့အပြင် မြန်မာ့ဆက်သယ်ရေးလုပ်ငန်းအနေဖြင့် အခြားကျန်ရှိနေသော ပြုပြင်ထိန်းသိမ်းခြင်း လုပ်ငန်းစဉ်များကိုလည်း မိုးရာသီစီမံချက်အနေဖြင့် ၂၀၁၇ ခုနှစ်၊ ဇွန်လမှ အောက်တိုဘာလအထိ ဆက်လက်ဆောင်ရွက်သွားမည်ဖြစ်ပါကြောင်း၊ မြန်မာ့ဆက်သွယ်ရေးလုပ်ငန်းအနေဖြင့် မြေအောက် ကေဘယ်လ်ကြိုးများ ချခင်းရာတွင် conduit ပိုက် (သိှု့မဟုတ်) PVC ပိုက်များကို အနည်းဆုံး ခြောက်ပေအနက်တွင် ချခင်းပါကြောင်း၊  ယခုအခါ ရန်ကုန်မြို့တော်စည်ပင် သာယာရေးကော်မတီ၊ လမ်း/တံတားဌာနက ရေမြောင်းများ တိုးချဲ့ခြင်း၊ အသစ်ထပ်မံ တည်ဆောက်ခြင်းလုပ်ငန်းများ ဆောင်ရွက်နေသည့်အတွက် ရေမြောင်းနှင့် မြေအောက် ကေဘယ်လ်ကြိုး လမ်းကြောင်းများ တစ်ထပ်တည်းကျနေခြင်း၊ ကန့်လန့်ဖြတ်အနေအထား ဖြစ်နေခြင်းတို့အတွက် မြန်မာ့ဆက်သွယ်ရေးလုပ်ငန်းအနေဖြင့် ပြုပြင်ခြင်းလုပ်ငန်းများကို ညှိနှိုင်းဆောင်ရွက်ပေးလျက်ရှိပါကြောင်း၊

ထို့အပြင် ဆက်သွယ်ရေးဝန်ဆောင်မှု လုပ်ငန်းလိုင်စင်ရရှိထားသောကုမ္ပဏီများနှင့် အခြား အော်ပရေတာများကိုလည်း ရန်ကုန်တိုင်းဒေသကြီးအတွင်း သွယ်တန်းထားသော ဖိုင်ဘာ ကေဘယ်လ်များကို စနစ်တကျနှင့် သပ်သပ်ရပ်ရပ်ရှိစေရန် ဆက်သွယ်ရေး ညွှန်ကြားရေးမှု ဦးစီးဌာနက ၂၀၁၆ ခုနှစ် ဒီဇင်ဘာလကတည်းက အကြောင်းကြားဆောင်ရွက်ထားပါကြောင်း၊ မြန်မာ့ဆက်သွယ်ရေးလုပ်ငန်းအပါအဝင် လိုင်စင်ရဆက်သွယ်ရေးကုမ္ပဏီများနှင့်  အခြား အော်ပရေတာများကို လက်ရှိဆက်သွယ်ရေးကွန်ရက်အတွင်းရှိ ဆက်သွယ်ရေး ကေဘယ်လ်ကြိုးများကို စနစ်တကျထိန်းသိမ်းစောင့်ရှောက်သွားစေရေးနှင့် ဆက်သွယ်ရေး ကွန်ရက်များ တိုးချဲ့ရာတွင်လည်း ဆက်သွယ်ရေးဆိုင်ရာဆက်စပ်ပစ္စည်းများကို စနစ်တကျ ဆက်သွယ်တပ်ဆင် ဆောင်ရွက်သွားစေရေး တို့အတွက် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဆက်သွယ်ရေးညွှန်ကြားမှုဦးစီးဌာနအနေဖြင့် ကြီးကြပ်ဆောင်ရွက် သွားမည် ဖြစ်ပါကြောင်း ရှင်းလင်းဖြေကြားပါသည်။

ဦးနေမျိုးထက်(ကျောက်တံတား) က ဆက်စပ်မေးခွန်း မေးမြန်းပါသည်။

မိမိတို့နိုင်ငံတွင် ဆက်သွယ်ရေး System က မိုဘိုင်းလောကတွင် တိုးတက်သော်လည်း ကြိုးဖုန်းဆက်သွယ်ရေးဘက်တွင် ဆက်လက်တိုးတက်စေရန် လုပ်ဆောင်သည်ကို မတွေ့ရှိရသည့်အတွက် ပို့ဆောင်ရေးနှင့်ဆက်သွယ်ရေးဝန်ကြီးဌာနအနေဖြင့် (၁) လျှပ်စစ်မီးတိုင်များတွင် သွယ်တန်းသည့်အစား မိမိ System နှင့်သွယ်ရန် အစီအစဉ်ရှိ/ မရှိ၊ (၂) ဂျပန် KTTI ကုမ္ပဏီ၊ စူမီတိုမိုကုမ္ပဏီတို့နှင့် အကျိုးတူပူးပေါင်းပြီးလုပ်ဆောင်နေသည့် အတွက် နည်းပညာများဖြင့် မြင့်မားစေရန်  မည်ကဲ့သို့ ဆက်လက် လုပ်‌ဆောင်မည်နည်းနှင့် လေတိုက်၍ဖြစ်စေ၊ အကြောင်းအမျိုးမျိုးကြောင့်ဖြစ်စေ ဖိုက်ဘာကြိုးများ ပြတ်ကျနေပါက ပုဂ္ဂလိကဖိုက်ဘာကြိုးကုမ္ပဏီများ၊ သွယ်တန်းသောကုမ္ပဏီများက မည်ကဲ့သို့အလျင်အမြန် စီမံဆောင်ရွက်ထားသည်ကို သိရှိလိုပါကြောင်း မေးမြန်းပါသည်။

ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ဒုတိယဝန်ကြီး ဦးကျော်မျိုး

ပို့ဆောင်ရေးနှင့်ဆက်သွယ်ရေးဝန်ကြီးဌာနအောက်ရှိ မြန်မာ့ဆက်သွယ်ရေးလုပ်ငန်းသည် ဂျပန်ကုမ္ပဏီဖြစ်သော KDDI နှင့် စူမီတိုမိုတို့နှင့် ၂၀၁၄ ခုနှစ်မှစပြီး Joint Operation ဆောင်ရွက်လျက်ရှိပါကြောင်း၊ စတင်ဆောင်ရွက်သည့်အချိန်က မြန်မာနိုင်ငံတွင် ကြိုးလိုင်း ဆက်သွယ်ရေးစနစ်ရှိနေပြီးဖြစ်သော်လည်း မိုဘိုင်းဆက်သွယ်ရေးသည် အလွန် အားနည်းနေသည့်အတွက် မိုဘိုင်းဆက်သွယ်ရေးတည်ထောင်ရန်အတွက် ဦးစား ပေးဆောင်ရွက်ခဲ့ပါကြောင်း၊  Ooredoo၊ Telenor တို့သည်လည်း Fit လိုင်းဟုခေါ်သော ကြိုးတယ်လီဖုန်းများဆောင်ရွက်ခြင်းမပြုဘဲ မိုဘိုင်းတယ်လီဖုန်းစနစ်ကိုသာ တိုးတက် ရန်ဆောင်ရွက်ခြင်းဖြစ်ပါကြောင်း၊ မိုဘိုင်းဆက်သွယ်ရေးစနစ်သည် အတော်အတန် တိုးတက်အောင်မြင်နေပြီဖြစ်သည့်အတွက် အများပြည်သူများ၊ စီးပွားရေး လုပ်ငန်းရှင်များအသုံးပြုနေသော Fit Line တယ်လီဖုန်းကြိုးမဲ့စနစ်များကို အာရုံစိုက်ပြီး ထိန်းသိမ်းရန်အတွက် မြန်မာ့ဆက်သွယ်ရေးလုပ်ငန်းကိုသာမက ဖက်စပ်ဆောင်ရွက်နေသော KDDI၊ စိုမီတိုမိုကုမ္ပဏီကိုပါ  ဝန်ကြီးဌာနအနေဖြင့် အလေးအနက်ထားပြီး ညွှန်ကြားထားပါကြောင်း၊ ဆက်သွယ်ရေးလုပ်ငန်းများဆောင်ရွက်သည့်အခါ ဆက်သွယ်ရေး ညွှန်ကြားမှုဦးစီးဌာနက မိုဘိုင်းအော်ပရေတာများဖြစ်သော ဖိုက်ဘာကေဘယ်လ်ချခင်းသော ကုမ္ပဏီများကို လိုင်စင်ထုတ်ပေးရာတွင် စည်းကမ်းသတ်မှတ်ချက်များရှိပါကြောင်း၊ ကေဘယ်လ်ချခင်းသော Write of Weak ခေါ်သော လမ်းကြောင်းအတွက် သက်ဆိုင်ရာမြို့နယ် စည်ပင်သာယာရေးအဖွဲ့များနှင့် ၎င်းတို့က ခွင့်‌ပြုချက်တောင်းပြီး ဆောင်ရွက်ရပါကြောင်း၊ ဖိုက်ဘာကေဘယ်လ်ကျနေပါက အမြန်ဆုံးဆောင်ရွက်ရန် ဆက်လက်ညွှန်ကြားမည် ဖြစ်ပါကြောင်း ဖြေကြားပါသည်။

ဖြေကြားသူ
ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ဒုတိယဝန်ကြီး ဦးကျော်မျိုး
ဖြေကြားသည့် ဝန်ကြီးဌာန

(ဂ)-သံတွဲမြို့နယ်တွင် ကုန်းလမ်း ပို့ဆောင်ရေးနှင့် ညွှန်ကြားမှုဦးစီးဌာန (ကညန) ရုံး ဖွင့်လှစ်ပေးရန် အစီအစဉ် ရှိ /မရှိ နှင့်စပ်လျဉ်းသည့် မေးခွန်း

Submitted by on 10 July 2017

photoသံတွဲခရိုင်တွင် တောင်ကုတ်-သံတွဲ-ဂွဆိုပြီး မြို့သုံးမြို့ပါဝင်ပြီး လူဦးရေ ၄၀၀၀၀၀ ကျော် နေထိုင်ပါကြောင်း၊ သံတွဲမြို့သည် ငပလီကမ်းခြေရှိ ဟိုတယ်ဇုန်များ၊ ရေထွက်ပစ္စည်းများနှင့် စီးပွားရေးအောင်မြင်လျက်ရှိသည့် မြို့တစ်မြို့ဖြစ်ပြီး ပြည်မနှင့်‌ဆက်သွယ်ထားသော ရခိုင်ရိုးမ ဖြတ်လမ်းများ ရှိသောကြောင့် လမ်းပန်းဆက်သွယ်ရေး ကောင်းမွန်ပြီး စည်ကားသည့်မြို့များလည်း ဖြစ်ပါကြောင်း၊ ထို့ကြောင့် ၎င်းမြို့များတွင်လည်း မော်တော်ကားများ၊ မော်တော်ဆိုင်ကယ်များ အသုံးပြုမှုသည် အလွန်များပြားပါကြောင်း၊

ကညနရုံးချုပ်သည် ရခိုင်ပြည်နယ် စစ်တွေတွင် ရှိသောကြောင့် မိမိတို့မြို့နယ်များကို တစ်နှစ်မှ နှစ်ကြိမ်ခန့်သာ လာရောက်ပြီး လိုင်စင်သက်တမ်းတိုးပေးသည့် လုပ်ငန်းများကို လုပ်ကိုင်ကြခြင်း ဖြစ်ကြပါကြောင်း၊ ကနညရုံးချုပ်မှ မော်တော်များ သက်တမ်းတိုးရန် ၎င်းမြို့များသို့ လာရောက်၍ ကား၊ ဆိုင်ကယ်၊ သုံးဘီးဆိုင်ကယ်၊ Light truck များ သက်တမ်းတိုးခြင်းလုပ်ငန်းကို တစ်မြို့လျှင် သုံးရက်ခန့် ဆောင်ရွက်ပေးလျက်ရှိသော်လည်း ယာဉ်အရေအတွက်များပြားခြင်းကြောင့် တစ်ခါ တစ်ရံ သတ်မှတ်ရက်အတွင်း ပြီးစီးမှုမရှိဘဲ ငွေကုန်၊ အချိန်ကုန်၊ ပင်ပန်းပြီး စောင့်ဆိုင်းရခြင်းများ ရှိပါကြောင်း၊ လိုင်စင်ပြုလုပ်သည့် အခါတွင်လည်း ယာယီလိုင်စင်ကို သံတွဲမြို့တွင်ပြုလုပ်ပေးပြီး Smart Card ကို စစ်တွေတွင် သွားယူရသည့်အတွက် ဒေသခံများသည် ငွေကုန်ကြေးကျများပြီး အခက်အခဲများစွာကို ကျော်လွှားပြီးသွားနေရပါကြောင်း၊

ရခိုင်ပြည်နယ်ရှိ မော်တော်ယာဉ်အများစုအနေဖြင့် ရန်ကုန်လိုင်စင်ကို ယူထားခြင်းကြောင့် နှစ်နှစ်တွင် တစ်ခါ၊ သုံးနှစ်တွင်တစ်ခါ ရန်ကုန်သို့ သွားရောက်သက်တမ်းတိုးရပါကြောင်း၊ ခရိုင် အဆင့်‌ဖြစ်သည့် သံတွဲတွင် ကညနရုံး ခွင့်ပြုမည်ဆိုပါက ရန်ကုန်ကိုသွားစရာမလိုဘဲ RKE ရခိုင် လိုင်စင်များကို ပြောင်းလဲရယူခြင်းဖြင့် ငွေကုန်၊ အချိန်ကုန်၊ လူပင်ပန်း ဖြေလျော့သွားမည် ဖြစ်ပါ ကြောင်း၊ သို့ပါ၍ ဒေသခံပြည်သူများ၏ အမှန်တကယ် လိုအပ်လျက်ရှိသည့် ကညနရုံးကို သံတွဲခရိုင်၊ သံတွဲမြို့တွင်ဖွင့်လှစ်ပေးရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။


 

photoကုန်လမ်းပို့ဆောင်ရေး ညွှန်ကြားမှူးဦးစီးဌာန (ကညန) ၏ သံတွဲခရိုင်ရုံးကို ၁၄-၁၀-၁၉၈၂ ရက်နေ့တွင် ဖွင့်‌လှစ်ခဲ့ပြီး ၁၉၉၂ ခုနှစ်က ပို့ဆောင်ရေးနှင့်‌ ဆက်သွယ်ရေး ဝန်ကြီးဌာနကို ပို့ဆောင်ရေးဝန်ကြီးဌာန၊ ရထားပို့ဆောင်ရေးဝန်ကြီးဌာနနှင့် ဆက်သွယ်ရေး၊ သတင်း အချက်အလက်၊ စာတိုက်နှင့် ကြေးနန်းဝန်ကြီးဌာနတို့ ဝန်ကြီးဌာန သုံးခုခွဲသည့် အချိန်တွင် ကညနကရထားပို့ဆောင်ရေး ဝန်ကြီးဌာနအောက် ရောက်ရှိသွားပြီး  လုပ်ငန်းများ ကျစ်ကျစ်လစ်လစ် ဆောင်ရွက်နိုင်ရေးအတွက် မြို့နယ်စုရုံးများ စုပေါင်းဖွဲ့စည်းခဲ့ရသဖြင့် ရခိုင်ပြည်နယ်၊ စစ်တွေမြို့တွင် ပြည်နယ်ရုံးစိုက်ပြီး လုပ်ငန်းများပူးပေါင်း၍ စုစည်းဆောင်ရွက် ခဲ့ရပါကြောင်း၊ ယခုအခါ ရခိုင်ပြည်နယ်တွင် ကညနစစ်တွေရုံး တစ်ရုံးသာရှိသည့်အတွက် ရခိုင်ပြည်နယ်ရှိ မြို့နယ် ၁၇ မြို့နယ်ကို နယ်လှည့်သွားရောက်ပြီး လုပ်ငန်းများဆောင်ရွက်ပေး လျက်ရှိပါကြောင်း၊

သံတွဲခရိုင်တွင် ပါဝင်သည့် သံတွဲ၊ တောင်ကုန်နှင့် ဂွသုံးမြို့နယ်တွင် ၃၀-၆-၂၀၁၇ ရက်နေ့အထိ   မော်တော်ယာဉ် ၇၁၅ စီး၊ နှစ်ဘီးတပ်၊ သုံးဘီးတပ်နှင့် ထရော်လာဂျီ ၁၀၇၄၈ စီးရှိသောကြောင့် ယာဉ်စီးရေ စုစုပေါင်း ၁၁၄၆၃ စီးနှင့် ယာဉ်မောင်းလိုင်စင် ၁၄၅၆၈ စောင် မှတ်ပုံတင် ထားရှိ ပါကြောင်း၊ ယခုအခါ သံတွဲခရိုင်တွင် ကညနရုံးမရှိသည့်အတွက် သံတွဲခရိုင်အတွင်းရှိ ပြည်သူများ မော်တော်ယာဉ်နှင့် ယာဉ်မောင်းလိုင်စင်လုပ်ငန်းများ လွယ်ကူလျင်မြန်စွာ ဆောင်ရွက် ပေးနိုင်ရေးအတွက် စစ်တွေ ပြည်နယ်ရုံးမှ သံတွဲခရိုင်သို့ နှစ်စဉ်ဖေဖော်ဝါရီလ၊ ဇွန်လနှင့် အောက်တိုဘာလတို့တွင် သက်ဆိုင်ရာဒေသ အုပ်ချုပ်ရေးအဖွဲ့များနှင့် ကြိုတင်ညှိနှိုင်းပြီး ပြည်သူများအဆင်ပြေစေရန် နယ်လှည့်ဆောင်ရွက် ပေးလျက်ရှိပါကြောင်း၊

ထို့ပြင် သံတွဲမြို့ရှိ ကုန်းလမ်းပို့ဆောင်ရေးမှ ဖွင့်လှစ်ထားသော ယာဉ်မောင်းသင်တန်းကျောင်းမှ သင်တန်းဆင်း အောင်မြင်သူများကို လုပ်ထုံးလုပ်နည်းနှင့်အညီ ယာဉ်စည်းကမ်း၊ လမ်းစည်းကမ်း ရေးဖြေစစ်ဆေးခြင်းနှင့် ယာဉ်မောင်းလက်တွေ့ဖြေဆိုခြင်း၊ Chip ပါသည့် Shard Card ယာဉ် မောင်းလိုင်စင်များ ထုတ်ပေးခြင်းတို့ကို ဆောင်ရွက်ပေးနိုင်ရန်အတွက် သံတွဲခရိုင်ရှိ လုပ်ငန်းလိုင်စင်နှင့် သယ်ယူပို့ဆောင်ရေး ကြီးကြပ်ညှိနှိုင်းမှုဌာနသို့ ကွန်ပျူတာစက်ကိရိယာများကို ပေးပို့ထားပြီးဖြစ်ပါကြောင်း၊ ရခိုင်ပြည်နယ်၊ သံတွဲခရိုင်တွင် မော်တော်ယာဉ်နှင့် ယာဉ်မောင်းလိုင်စင်များ တိုးတက်များပြားလာခြင်း၊ စစ်တွေပြည်နယ်ရုံးတွင်လည်း သံတွဲခရိုင်နှင့် လုပ်ငန်းများကို ပူးပေါင်းဆောင်ရွက်ပေးနေရခြင်းကြောင့် လုပ်ငန်းများ၊ ပြည်သူများအတွက်ပါ အဆင်ပြေစွာ ဆောင်ရွက်ပေးနိုင်ရေးအတွက် ပို့ဆောင်ရေးနှင့်‌ဆက်သွယ်ရေးဝန်ကြီးဌာန၏ ဖွဲ့စည်းပုံကို ပြင်ဆင်ရေးဆွဲရာတွင် ကညနရုံး သံတွဲခရိုင်ရုံးအတွက် ဖွဲ့စည်းပုံ ထည့်သွင်းရေးဆွဲ ထားပါကြောင်းနှင့် ဖွဲ့စည်းပုံခွင့်ပြုချက် ရရှိသည့်အခါ ဆက်လက်ဆောင်ရွက် သွားမည်ဖြစ်ပါ ကြောင်း ရှင်းလင်းဖြေကြားပါသည်။

ဖြေကြားသူ
ပို့ဆောင်ရေးနှင့်‌ဆက်သွယ်ရေးဝန်ကြီးဌာန၊ ဒုတိယဝန်ကြီး ဦးကျော်မျိုး
ဖြေကြားသည့် ဝန်ကြီးဌာန

(ဃ)-မြစ်ချောင်းကမ်းထိန်းနံရံများ/ ရေကာတာများ တည်ဆောက်ရာတွင် နိုင်ငံတော်၏ ဘဏ္ဍာငွေများ လေလွင့်ဆုံးရှုံးမှုလျော့နည်းစေရန်နှင့်ရေရှည်ခိုင်ခံ့ ၍ အကျိုးရှိသော ကမ်းထိန်းနံရံများ/ရေကာတာများ တည်ဆောက်နိုင်ရေး စီစဉ်ဆောင်ရွက်ခြင်း ရှိ/မရှိ နှင့်စပ်လျဉ်းသည့် မေးခွန်း

Submitted by on 10 July 2017

 

photoမိမိတို့နိုင်ငံတွင် သဘာဝကပေးထားသော တောတောင်များ ပျက်စီးဆုံးရှုံးလာမှုနှင့်အတူ ရာသီ ဥတုများ ဖောက်ပြန်လျက် မိုးခေါင်ရေကြီးမှုများ၊ သဘာဝဘေးအန္တရာယ်များကို မကြာခဏ တွေ့မြင်နေရပါကြောင်း၊ လူနေတိုက်တာ အဆောက်အအုံများ၊ သာသနိကအဆောက်အအုံများ၊ လယ်ယာမြေများကို ရေကြီးနစ်မြုပ်မှုများနှင့် ရေတိုက်စားမှုများမှ ကာကွယ်ရန် မြစ်ချောင်းကမ်း ထိန်းနံရံများ၊ ရေကာတာများကို တည်ဆောက်ပေးလျက်ရှိပါကြောင်း၊ တည်ဆောက်ခဲ့သည့် ကမ်းထိန်းနံရံများ၊ ရေကာတာများကိုကြည့်လျှင် တည်ဆောက်ခဲ့သည့် နေရာ၏ မြေအနေအထား အမာခံရှိ/မရှိ၊ ဒေသခံပြည်သူများ၏ ရေ၊ မြေ သဘောသဘာဝတင်ပြချက်များကို အလေးမထားဘဲ တည်ဆောက်ခဲ့ကြ၍ အကျိုးမရှိဘဲ ပျက်စီးဆုံးရှုံးခဲ့ရသည့် မြစ်ချောင်းကမ်းထိန်းနံရံ အမြောက်အမြား ရှိခဲ့ပါကြောင်း၊ အထူးသဖြင့် မျောတိုင်တန်းကျောက်စီရေကာတာများ၊ ကမ်းထိန်းနံရံများသည် အပျက်အစီးများရခြင်းမှာ မျောများ၊ တိုင်များသည် မြေစိုက်မခံသည့် သစ်သားများကို အသုံးပြုခဲ့ကြသည့်အတွက် တစ်နှစ်တာကာလမျှ အသုံးမဝင်ပါကြောင်း၊ တည်ဆောက်ခဲ့သည့် ရေကာတာများကို ရေပြန်တိုက်စားခြင်းကြောင့် လူနေအိမ်များ ပြောင်းရွှေ့ရသည့်အဖြစ်များလည်း ရှိခဲ့ပါကြောင်း၊ ထို့ကြောင့် ယခုကဲ့သို့ ပြည်သူ့ဘဏ္ဍာများ ဆုံးရှုံးနေခြင်းသည် ဒေသခံ ပြည်သူများ၏ တင်ပြချက် အကြံဉာဏ်များကို အလေးမထားဘဲ ပညာရှင်ဆိုသူများ၏ လွဲမှားသော စီမံ ဆောင်ရွက်မှုများကြောင့်ဖြစ်ပါကြောင်း၊ မိမိတို့ ချင်းတွင်းမြစ်ဘေးရှိ ကနီမျောတိုင်တန်းကျောက်စီ ရေကာတာပျက်စီးနေခြင်း၊ ရေဝချောင်း မျောတိုင်တန်း ကျောက်စီရေကာတာ ပျက်စီးနေခြင်းနှင့် ဝက်ချောင်းကလေး မျောတိုင်တန်း ပျက်စီး နေခြင်းသည် ရေစီးချောင်းများကို ကန့်လန့်ခံတည်ဆောက်ခဲ့သဖြင့် ရေထဲမျောပါ ပျောက်ဆုံး သွားသည့် ရေကာတာများ ဖြစ်ပါကြောင်း၊ မြစ်ချောင်းကမ်းထိန်းနံရံ ရေကာတာ လုပ်ငန်းများသည် အင်မတန်မှ အကုန်အကျများသဖြင့် လေလွင့်ဆုံးရှုံးမှု အနည်းဆုံးနှင့် ရေရှည် အကျိုး ဖြစ်ထွန်းရန် အင်မတန် အရေးကြီးသည့်အတွက် ကမ်းထိန်းနံရံများ/ရေကာတာများ တည်ဆောက်နိုင်ရေး စီစဉ်ဆောင်ရွက်ခြင်းရှိ/မရှိ သိရှိလိုပါကြောင်း မေးမြန်းပါသည်။


 

photoပို့ဆောင်ရေးနှင့် ဆက်သွယ်ရေးဝန်ကြီးဌာန၊ ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာနအနေဖြင့် မြစ်ချောင်းများ ရေရှည်တည်တံ့ရေး၊ ဖွံ့ဖြိုးတိုးတက်ရေးနှင့် မြစ်ချောင်းရေ လမ်းကြောင်းများ ပြောင်းလဲမှုကြောင့် မြို့ရွာများရေတိုက်စား ကမ်းပြိုမှုမှ ကာကွယ်ရေးတို့အတွက် ဦးစားပေးဆောင်ရွက်လျက်ရှိပါကြောင်း၊

မြန်မာနိုင်ငံ၏ မြစ်ကြီးများတွင် ရေလမ်းဖွံ့ဖြိုးရေးလုပ်ငန်းများ လုံလောက်စွာ မဆောင်ရွက်နိုင် ခြင်းကြောင့် ရေလမ်းကြောင်းပြောင်းလဲမှုများဖြစ်ပေါ်ပြီး ရေမွှာပေါက်များဖြစ်ထွန်းခြင်း၊ ကမ်းပြို ကမ်းစားခြင်းများ ဖြစ်ပေါ်ခြင်းတို့ကို ကြုံတွေ့နေရပါကြောင်း၊ ကမ်းပြိုကမ်းစားမှုများကို ကာကွယ် ထိန်းသိမ်းရန်အတွက် တိုက်ရိုက်ကာကွယ်ခြင်းနှင့် သွယ်ဝိုက်ကာကွယ်ခြင်းဆိုပြီး လုပ်ငန်း(၂)မျိုးဖြင့် ကာကွယ်ပေးနိုင်ပါကြောင်း၊

တိုက်ရိုက်ကာကွယ်ခြင်းမှာ ကမ်းပြိုမှုဖြစ်ပေါ်သောနေရာကို ကမ်းထိန်းနံရံ၊ ကမ်းထိန်းတမံများ တည်ဆောက်ပြီး ကာကွယ်ခြင်းဖြစ်ပြီး သွယ်ဝိုက်ကာကွယ်ခြင်းမှာ ကမ်းပြိုမှုဖြစ်ပေါ်သည့် နေရာတွင် ကာကွယ်ခြင်းမျိုးမဟုတ်ဘဲ မြစ်ရေလမ်းကြောင်း ပြောင်းလဲရန်အတွက် ရေလွှဲရေကာတည်ဆောက် ကာကွယ်ပေးခြင်းဖြစ်ပါကြောင်း၊

တိုင်းဒေသကြီးနှင့် ပြည်နယ်များအတွင်းရှိ ပြည်သူလူထု၏ တောင်းဆိုမှုများအရ ကမ်းပြို ကမ်းစားခံနေရသော တိုက်ရိုက်ကမ်းပြိုကာကွယ်ရေးဖြစ်သည့် ကမ်းထိန်းနံရံ၊ ကမ်းထိန်း တမံများဖြင့် အဓိကကာကွယ် ဆောင်ရွက်ပေးလျက်ရှိပါကြောင်း၊ ၂၀၁၆-၁၇ ဘဏ္ဍာရေးနှစ်တွင် တိုင်းဒေသ ကြီး/ပြည်နယ် အစိုးရအသီးသီး၏ ရန်ပုံငွေဖြင့် ကမ်းပြိုကာကွယ်ရေး လုပ်ငန်းပေါင်း ၁၇၃ ခု ဆောင်ရွက်ခဲ့ရာ တိုင်းဒေသကြီး/ပြည်နယ် အစိုးရအဖွဲ့၏ လိုလားချက်နှင့် ဆောင်ရွက်ပေးခဲ့ခြင်း လုပ်ငန်း ၅၆ ခု၊ ပြည်သူများကို ကိုယ်စားပြုသည့် လွှတ်တော်ကိုယ်စားလှယ်ကြီးများ၏ လိုလားချက်အရ ဆောင်ရွက်ပေးခဲ့သည့် လုပ်ငန်း ၉၇ ခုနှင့် ရေအရင်းအမြစ်ဖြင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာန၏ လိုလားချက်အရ ဆောင်ရွက်ခဲ့သည့် လုပ်ငန်း  ၂၀ ပါဝင်ပါကြောင်း၊ မိမိတို့ ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာန၏ လိုလားချက် ဆိုသည့် နေရာတွင် အရေးပေါ်သဘာဝ ဘေးအန္တရာယ်ကြောင့် ဆောင်ရွက်ခဲ့သည့် လုပ်ငန်းများ၊ နိုင်ငံတော် အကြီးအကဲများ၊ ဝန်ကြီးဌာနအကြီးအကဲများနှင့် ဌာနဆိုင်ရာ အကြီးအကဲများက သက်ဆိုင်ရာ တိုင်းဒေသကြီး/ပြည်နယ်များတွင် ပြည်သူများက တိုက်ရိုက်တင်ပြသည့်အပေါ်မူတည်ပြီး လိုအပ်သလို ဆောင်ရွက်ခဲ့ခြင်း ဖြစ်ပါကြောင်း၊

တိုင်းဒေသကြီးနှင့် ပြည်နယ်များအတွင်း ဖြစ်ပေါ်ခဲ့သည့် ကမ်းပြိုကာကွယ်ရေး လုပ်ငန်းများကို ၂၀၁၃-၁၄ ဘဏ္ဍာရေးနှစ်ကစပြီး တိုင်းဒေသကြီး/ပြည်နယ် အစိုးရအဖွဲ့များ၏ မီးဘေးနှင့်သဘာဝ ဘေး အန္တရာယ် ကြိုတင်ကာကွယ်ရေး ငွေလုံးငွေရင်းအသုံးစရိတ် ခေါင်းစဉ်အောက်မှ ကျခံ ဆောင်ရွက် လျက်ရှိပြီး လုပ်ငန်းဆောင်ရွက်မည့် အစီအမံနှင့်ဒီဇိုင်းများကို ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာန၏ တိုင်းဒေသကြီး/ပြည်နယ်ရုံးများက ရေးဆွဲအဆိုပြုပြီး ရုံးချုပ်၏ စိစစ်အတည်ပြုချက်ဖြင့် ဆောင်ရွက်ကြပါကြောင်း၊ လုပ်ငန်းများကို အကောင်အထည်ဖော်ရာတွင် လုပ်ငန်းတင်ဒါခေါ်ယူပြီး ပြည်နယ်/တိုင်းဒေသကြီး အစိုးရအဖွဲ့ သက်ဆိုင်ရာဝန်ကြီးက ဦးဆောင်သည့်အဖွဲ့နှင့် စိစစ်ကြီးကြပ်ရွေးချယ်ဆောင်ရွက်ပေးပါကြောင်း၊

ယခုကဲ့သို့ ကာကွယ်ရေးလုပ်ငန်းများ ဆောင်ရွက်သည့်နေရာတွင် ကမ်းပြိုသည့်အလျားကို ခွင့်ပြု ရန်ပုံငွေနှင့် လုံလောက်သည့် ကာကွယ်မှုပေးနိုင်အောင် ချင့်ချိန်တွက်ဆ၍ ဆောင်ရွက်ရခြင်း ဖြစ်သည့်အတွက် မြစ်ချောင်းများ၏ သွင်ပြင်သဏ္ဍာန်ပြောင်းလဲမှု နည်းပါးစေမည့် ဒီဇိုင်းများနှင့်လည်း ဆောင်ရွက်ပေးရမည် ဖြစ်ပါကြောင်းနှင့် နိုင်ငံတော်၏ ဖွံ့ဖြိုးတိုးတက်မှုအခြေအနေ၊ ရင်းနှီးမြှုပ်နှံနိုင်မှု အခြေအနေတို့အပေါ် မူတည်၍   ဆောင်ရွက်ရမည် ဖြစ်ပါကြောင်း၊

၂၀၁၃-၁၄ ဘဏ္ဍာရေးနှစ်မှ ၂၀၁၅-၁၆ ဘဏ္ဍာရေးနှစ်အထိ တိုင်းဒေသကြီး/ ပြည်နယ်အစိုးရ အဖွဲ့ရန်ပုံငွေများနှင့် ဆောင်ရွက်ခဲ့သည့် လုပ်ငန်းပေါင်း ၄၃၉ ခုအနက် ယိုယွင်းမှုဖြစ်ခဲ့သည့် လုပ်ငန်းပေါင်း ၃၆ ခုရှိခဲ့ပါကြောင်း၊ ယိုယွင်းမှုဖြစ်ပေါ်ခဲ့သည့် အချိန်သည် တည်ဆောက်ပြီး တစ်နှစ်ကျော် နောက်ပိုင်းမှဖြစ်ပေါ်ခြင်းဖြစ်ပါကြောင်းနှင့် ၂၀၁၅ ခုနှစ် ရေကြီးရေလျှံမှုဖြစ်ခြင်းကြောင့် ယိုယွင်းမှုများ ဖြစ်ပေါ်ခဲ့ရခြင်းဖြစ်ပါကြောင်း၊ များသောအားဖြင့် သဘာဝကြောင့် ရေစီးကြောင်း ပြောင်းလဲခြင်းဖြစ်ပြီး တစ်ခါတရံ လူများ၏ လုပ်ဆောင်ချက်ကြောင့်လည်း ရေစီးကြောင်း ပြောင်းလဲပါကြောင်း၊ သဲ၊ ကျောက် လုပ်ငန်းရှင်များက အလေးဖိအားဒဏ် မခံနိုင်အောင် သယ်ယူခြင်း၊ ထို့နောက် ကားကြီး၊ ကားငယ်များဖြင့် ဆောင်ရွက်သည့်အခါတွင် ကမ်းပါးနားကပ်ပြီး ပြုလုပ်ခြင်းတို့ ကြုံတွေ့ရပါကြောင်း၊

ကမ်းပြိုကာကွယ်ရေးလုပ်ငန်းများ ဆောင်ရွက်သည့်နေရာတွင် ရန်ပုံငွေတင်ပြတောင်းခံမှုနှင့် ခွဲဝေရရှိမှု ပုံစံများအရ ကန့်သတ်ချက်များရှိဖြင့် ရန်ပုံငွေများစွာ ဆုံးရှုံးရမည့် အာမခံရှိသည့် ဒီဇိုင်းများနှင့် ဆောင်ရွက်ရမည့်အစား ထပ်မံတိုက်စားမှုမခံရစေရေးနှင့် ရန်ပုံငွေချွေတာရေးဖြစ်သည့် Low cost design မူဖြင့် ဆောင်ရွက်သည့် စနစ်ကျင့်သုံးခဲ့ရပါကြောင်း၊ ယခုလိုဆောင်ရွက်ရာတွင် နိုင်ငံတကာ နည်းပညာ အကူအညီများ၊ ကွန်ပျူတာအသုံးချနည်းစနစ်များနှင့် အားဖြည့်ဆောင်ရွက် ရမည် ဖြစ်သည့်အတွက် လုံလောက်သည့် ရန်ပုံငွေများခွင့်ပြုပေးရန် လိုအပ်မည် ဖြစ်ပါကြောင်း၊

သို့ဖြစ်ပါ၍ ရေရှည်ခိုင်ခံ့သည့် ကမ်းထိန်းနံရံများ၊ ရေကာတာများဖြစ်စေရန်အတွက် ပို့ဆောင်ရေးနှင့်‌ ဆက်သွယ်ရေးဝန်ကြီးဌာန၊ ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေး ဦးစီးဌာနအနေနှင့် ဒီဇိုင်းတွက်ချက်ရာတွင် မြေကြီးဂုဏ်သတ္တိ (Soil Properties) အတွက် Soil Test  စစ်ဆေးမှုများ ပြုလုပ်ခြင်းနှင့် ရေလမ်းကြောင်းအနေအထား သိရှိရန်အတွက် bathymetric  survey ဟုခေါ်သည့် မြစ်ချောင်းကြမ်းပြင်ကို လေ့လာတိုင်တာခြင်းများ ပြုလုပ်ပြီး ဒီဇိုင်းရေးဆွဲ စီစဉ်ဆောင်ရွက်လျက် ရှိပါကြောင်း ရှင်းလင်းဖြေကြားပါသည်။

ဦးထွန်းထွန်းနိုင် (ကနီမဲဆန္ဒနယ်) က ဆက်စပ်မေးခွန်း မေးမြန်းပါသည်။

ကမ်းထိန်းလုပ်ငန်းများအတွက် ယခင်အစိုးရက ချပေးသည့် ငွေကြေးဖြစ်စေ၊ ယခုအစိုးရ လက်ထက်တွင်ချပေးသည့် ငွေကြေးဖြစ်စေ ပမာဏနည်းပါးခြင်း မရှိပါကြောင်းနှင့် သိန်းပေါင်း ထောင်ချီ၍ ဘက်ဂျက်ချထားဆောင်ရွက်လျက်ရှိသော လုပ်ငန်းများ များစွာ ရှိပါကြောင်း၊ ထို့ကြောင့် ချပေးသည့် ငွေကြေးနည်း၍ ပျက်စီးခြင်းဆိုသည်မှာ အဆင်မပြေပါကြောင်း၊ ကျောက်စီရေကာတာ များကို မြေအနေအထား မလေ့လာဘဲ မြေအမာခံမရှိသည့် လုံးတင်မြေများကိုမှ ဆောင်ရွက်ခဲ့သည့် အနေအထားများ ရှိပါကြောင်း၊ လာမည့် ဘတ်ဂျက်နှစ်များတွင် တည်ဆောက်မည့် လုပ်ငန်းများ ဖြစ်သည့် မျောတန်းကျောက်စီ၊ ကျောက်စီရေကာတာစသည်တို့ကို တိတိကျကျ ခိုင်ခိုင်ခံ့ခံ့ဖြစ်အောင် ယခုငွေများနှင့် ယခုချပေးသည့် ငွေပမာဏဖြင့် သေသေချာချာလုပ်မည်ဆိုပါက ဖြစ်နိုင်ပါကြောင်းဖြင့် အကြံပြုဆွေးနွေးသည့် ဆက်စပ်မေးခွန်း မေးမြန်းပါသည်။

ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ဒုတိယဝန်ကြီး ဦးကျော်မျိုး

ပို့ဆောင်ရေးနှင့် ဆက်သွယ်ရေးဝန်ကြီးဌာနအနေဖြင့်လည်း ကမ်းပြိုကာကွယ်ရေးလုပ်ငန်းများကို ထိထိရောက်ရောက်နှင့် ရေရှည်ခိုင်ခံ့အောင် စိစစ်ဆောင်ရွက်လျက်ရှိပါကြောင်း၊ ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီးက တိုင်းဒေသကြီးနှင့် ပြည်နယ်များတွင် ကမ်းပြိုလုပ်ငန်းများကာကွယ်ရန် သွားရောက်စစ်ဆေးသည့်အခါ ဒေသခံပြည်သူများ၊ လွှတ်တော် ကိုယ်စားလှယ်များ၊ ဒေသခံအာဏာပိုင်များနှင့် တွေ့ဆုံဆွေးနွေးပြီး ထိရောက်စွာ ဆောင်ရွက်နိုင် ရေးအတွက် လိုအပ်သည့်လမ်းညွှန်မှုများကို ဆောင်ရွက်လျက်ရှိပါကြောင်း၊ ပို့ဆောင်ရေးနှင့် ဆက်သွယ်ရေးဝန်ကြီးဌာနအနေဖြင့် လွှတ်တော်ကိုယ်စားလှယ်ကြီးတင်ပြသွားသည့် အကြံပြုချက် များကို အလေးထားထည့်သွင်းစဉ်းစားပြီး ဆက်လက်ဆောင်ရွက်သွားမည် ဖြစ်ပါကြောင်း ရှင်လင်း ဖြေကြားပါသည်။

ဖြေကြားသူ
ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ဒုတိယဝန်ကြီး ဦးကျော်မျိုး
ဖြေကြားသည့် ဝန်ကြီးဌာန

(င)-National Database Centre နှင့် ဒေသအနှံ့ ဆက်သွယ်နိုင်သည့် Network Lineများဖြန့်ကြက် တည်ဆောက်ရန် အစီအစဉ် ရှိ/ မရှိ နှင့်စပ်လျဉ်း သည့် မေးခွန်း

Submitted by on 10 July 2017

 

photoNational Database Center ဆိုသည်မှာ ပြည်သူတစ်ဦးချင်းစီ၏ အချက်အလက်နှင့် ဝန်ကြီးဌာနများ၏ အချက်အလက်များကို တစ်နေရာထဲတွင် စုစည်းထားသည့် ဗဟိုဌာနဟု ယေဘုယျအားဖြင့် ပြောနိုင်ပါကြောင်း၊ နိုင်ငံတော်တော်များများသည် ပိုမိုကောင်းမွန် ခေတ်မီသည့် စနစ်များဆီသို့ ချဉ်းကပ်လုပ်ဆောင်ကြသည့် နေရာတွင် ပထမအဆင့်ဖြစ်သည့် e-Government ကို အကောင်အထည်ဖော်ကြပါကြောင်း၊ သို့သော် ဝန်ကြီးဌာနများ သီခြားစီဆောင်ရွက်ခဲ့ကြခြင်း ဖြစ်သည့်အတွက် ထင်သလောက်မအောင်မြင်ခဲ့ကြပါကြောင်း၊ နောက်ဆုံး National Database Center တည်ဆောက်ရမည် ဆိုသည်ကို သူတို့နားလည်ထားပါကြောင်း၊  နိုင်ငံတစ်နိုင်ငံ တိုးတက် အောင် ဆောင်ရွက်ရာတွင် Clean Government, Good Governance ဖြစ်ရန် National Database Center သည် မရှိမဖြစ် လိုအပ်ပါကြောင်း၊ ယခုလို Single Platform မရှိသည့်အတွက် အစိုးရနှင့် ပြည်သူလူထုက အခက်အခဲများ ကြုံတွေ့နေရပါကြောင်း၊ ထို့ကြောင့် National Database Center နှင့် ဒေသအနှံ့ဆက်သွယ်နိုင်သည့် Networking Line များကို ဖြန့်ကြက်တည်ဆောက်ရန်အတွက် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။


 

photoနိုင်ငံတော်အစိုးရ၏ အမျိုးသားစီးပွားရေး မူဝါဒနှင့်အညီ e-Government စနစ်ဖွံ့ဖြိုးတိုးတက်လာ စေရေးအတွက် အစိုးရဝန်ကြီးဌာနများနှင့် ဗဟိုရုံးများအသီးသီးမှ ပါဝင်ကြိုးပမ်းဆောင်ရွက်ရာတွင် ပို့ဆောင်ရေးနှင့် ဆက်သွယ်ရေး ဝန်ကြီးဌာနက Focal Ministry အဖြစ် တာဝန်ယူဆောင်ရွက်လျက် ရှိသည့်အတွက် လိုအပ်သည့် Infrastructure များဖြစ် Data  Center နှင့် Network အစရှိတာများကို တည်ဆောက်ထားပေးရေးအတွက် ဦးစားပေး ဆောင်ရွက်လျက် ရှိပါကြောင်း၊ ၂၀၁၅ ခုနှစ်တွင် ကိုရီးယား သမ္မတနိုင်ငံ၏ EDCF ချေးငွေဖြင့် Myanmar Basic e-Government စီမံကိန်းကို ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာနက အကောင်အထည်ဖော် ဆောင်ရွက်ခဲ့ပါကြောင်း၊ ၎င်း စီမံကိန်းအစီအစဉ်ဖြင့် တပ်ကုန်းတွင် e-Government Data Center တစ်ခုကို တည်ဆောက်ပြီး ဝန်ကြီးဌာနများအားလုံးအတွက် Sever များ အသီးသီးတပ်ဆင်ပေးခဲ့ကာ Common e-Government Application များအဖြစ် Government Personnel Management System(GPMS), Electronic Document Management System (EDMS) နှင် e-mail စနစ်များကို ဝန်ကြီးဌာနများမှ ၂၄ နာရီ၊ ၇ ရက်အသုံးပြုနိုင်ရန် ဆောင်ရွက်ပေးခဲ့ပါကြောင်း၊ ၎င်း Data Center ကို ချိတ်ဆက်အသုံးပြုနိုင်ရန်အတွက် ဝန်ကြီးဌာနရုံးများကို ချိတ်ဆက်ထားသည့် e-Government Wide Area Network ဖိုင်ဘာကွန်ယက်ကိုလည်း နေပြည်တော်တွင် တည်ဆောက်ထားရှိခဲ့ပြီး အစိုးရဌာနများအားလုံးမှ ထိုကွန်ယက်ကို အသုံးပြု၍ e-Government လုပ်ငန်းစဉ်များကို ဆောင်ရွက်နိုင်ခဲ့ပါကြောင်း၊

၂၀၁၅ ခုနှစ်တွင် ၎င်း Data Center ကို နေပြည်တော်၊ ဇမ္ဗူသီရိမြို့နယ်ရှိ မြန်မာ့ဆက်သွယ် ရေးလုပ်ငန်း၏ S 12 exchange သို့ ရွှေ့ပြောင်းခဲ့ပြီးနောက်တွင် e-Government လုပ်ငန်းစဉ်များကို ဝန်ကြီးဌာနများအနေဖြင့် ဆက်လက်၍ ၂၄ နာရီ၊ ၇ ရက် အသုံးပြုနိုင်ရန်အတွက် ဝန်ဆောင်မှုပေးလျက်ရှိပါကြောင်း၊ ထို့အပြင် ဝန်ကြီးဌာနများ၏ e-Government လုပ်ငန်းစဉ်များမှာ  အသုံးပြုလျက်ရှိသည့် sever များကို co-location ထားနိုင်ရန်နှင့် web hosting အစရှိသည့် အခြားဝန်ဆောင်မှုများကို အသုံးပြုသွားနိုင်ရန်အတွက် Data Center တစ်ခုကိုလည်း S 12 exchange တွင် ၂၀၁၇ ခုနှစ် မတ်လမှာ တိုးချဲ့တည်ဆောက်ခဲ့ပြီး ဖြစ်ပါကြောင်း၊ ပို့ဆောင်ရေးနှင့် ဆက်သွယ်ရေးဝန်ကြီးဌာနအနေဖြင့် နိုင်ငံတော်အစိုးရ၏ e-Government လုပ်ငန်းစဉ်များကို ဝန်ကြီးဌာနများနှင့် ဗဟိုရုံးများအလိုက် အကောင်အထည်ဖော်နေသည့်အဆင့်မှ အမျိုးသားအဆင့်သို့ ဟန်ချက်ညီစွာ ပေါင်းစပ်အဆင့်မြှင့်တင်ပြီး အရှိန်အဟုန်မြှင့် ဆောင်ရွက်သွားနိုင်ရန် အစိုးရအဖွဲ့အစည်းများ အချင်းချင်းဆက်သွယ်၍ အချက်အလက်များရယူနိုင်မည့်အပြင် ပြည်သူများမှ အစိုးရ၏ Online ဝန်ဆောင်မှုများနှင့် အချက်အလက်များကို အချိန်နှင့်တစ်ပြေးညီ (real time) လွယ်ကူချောမွေ့စွာ ရယူ၍ လုံခြုံစွာအသုံးပြုသွားနိုင်ရန် ရည်ရွယ်၍ အမျိုးသားအဆင့် (National Data Center) တစ်ခုအဖြစ် e-Government Integrated Data Center တစ်ခုကို တည်ဆောက်ပြီး ဝန်ကြီးဌာနများ အားလုံးကို မျှ‌ဝေအသုံးပြုနိုင်ရန် ဆောင်ရွက်လျက်ရှိပါကြောင်း၊ ၎င်း e-Government Integrated Data Center ကို ကိုရီးယားသမ္မတနိုင်ငံ Economic Development Cooperation Fund (EDCF) ထံမှ အချေးငွေ အမေရိကန်ဒေါ်လာ သန်း ၈၀ ခန့်ရယူ၍ တည်ဆောက် နိုင်ရေးအတွက် စီမံကိန်းအဆိုပြုလွှာကို ၉-၆-၂၀၁၆ ရက်နေ့တွင် ကျင်းပပြုလုပ်သည့် ပြည်ထောင်စုအစိုးရအဖွဲ့ အစည်းအဝေးက သဘောတူခဲ့ပြီး ဖြစ်ပါကြောင်း၊ e-Government Integrated Data Center တည်ဆောက်ခြင်း စီမံကိန်းကို အကောင်အထည်ဖော် ဆောင်ရွက်ရန် အတွက် လိုအပ်သည့် ဖြစ်နိုင်ချေ လေ့လာဆန်းစစ်ခြင်း (Feasibility Study) လုပ်ငန်းများကို EDCF က Technical Assistance ဖြင့် ရွေးချယ်ခန့်အပ်ထားသော ကိုရီးယားကုမ္ပဏီက ၂၀၁၇ ခုနှစ် ဇွန်လမှစတင်၍ ဆောင်ရွက်လျက်ရှိပါကြောင်း၊ Data Center တည်ဆောက်ရန်လိုအပ်သည့် မြေနေရာကိုလည်း နေပြည်တော်စည်ပင်သာယာရေး ကော်မတီသို့ တင်ပြတောင်းခံခဲ့ရာ ဇမ္ဗူသီရိမြို့နယ်တွင် မြေနေရာအသုံးပြုခွင့် ရရှိခဲ့ပြီးဖြစ်ပါကြောင်း၊ စီမံကိန်းကို ၂၀၁၈ ခုနှစ်တွင် စတင်အကောင်အထည်ဖော် ဆောင်ရွက်သွားမည်ဖြစ်ပြီး စီမံကိန်းကာလမှာ ၃ နှစ်ခန့်ကြာမြင့်မည် ဖြစ်ပါကြောင်း၊ စီမံကိန်းဆောင်ရွက်သည့် အခါတွင်လည်း EDCF ၏ မူဝါဒနှင့်အညီ အတိုင်ပင်ခံ ငှားရမ်းပြီး ဆောင်ရွက်မည် ဖြစ်ပါကြောင်း၊

          Network Line များ ဖြန့်ကျက်တည်ဆောက်ရေးနှင့် စပ်လျဉ်းပြီး National Data Center ကို ချိတ်ဆက်ပြီး သတင်းအချက်အလက်များကို အချိန်နှင့်တစ်ပြေးညီ ရယူအသုံးပြုနိုင်ရန် လိုအပ်သည့် ဆက်သွယ်ရေး အခြေခံအဆောက်အအုံများဖြစ်သည့် ဖိုင်ဘာဆက်ကြောင်းများနှင့် Microwave ဆက်ကြောင်းများကို နိုင်ငံတစ်ဝှမ်း တည်ဆောက်ထားရှိပြီး ဖြစ်သလို ဝေးလံခေါင်ဖျား ဒေသများအတွက် Intelsat ကုမ္ပဏီနှင့် ပူးပေါင်းငှားရမ်းထားသည့် Myanmar Condo SAT 1 ဂြိုလ်တုစနစ်ဖြင့် ချိတ်ဆက်အသုံးပြုသွားနိုင်ရေးအတွက် စီစဉ်ဆောင်ရွက်သွားမည် ဖြစ်ပါကြောင်းနှင့် National Data Center သို့ ချိတ်ဆက်၍ အစိုးရ၏ Online ဝန်ဆောင်မှုများကို အချိန်နှင့်တစ်ပြေးညီ ရယူအသုံးပြုနိုင်ရန်အတွက် နေပြည်တော်ရှိ e-Government Wide Area  Network ဖိုင်ဘာကွန်ယက်ကို တိုးချဲ့အဆင့်မြှင့်တင်ပြီး Government Service Network တည်ဆောက်သွား နိုင်ရေးအတွက်လည်း ဆောင်ရွက်လျက်ရှိပါကြောင်း၊ သို့ဖြစ်ပါ၍ National Database Center နှင့် ဒေသအနှံ့ဆက်သွယ်နိုင်မည့် Network Line များ ဖြန့်ကြက်တည်ဆောက်ရန် အစီအစဉ်ရှိ/မရှိကို ပို့ဆောင်ရေးနှင့်ဆက်သွယ်ရေး ဝန်ကြီးဌာနအနေဖြင့် ရှေ့တွင်တင်ပြသွားသည့်အတိုင်း ဆောင်ရွက်လျက်ရှိပါကြောင်း ရှင်းလင်းဖြေကြားပါသည်။

ဦးမောင်မြင့် (မင်းကင်းမဲဆန္ဒနယ်) က ဆက်စပ်မေးခွန်း မေးမြန်းပါသည်။

အဓိကက ပြည်သူကို မိမိတို့က Awareness လုပ်ချင်သည့် မေးခွန်းဖြစ်သည့်အတွက် နိုင်ငံတော်ကလည်း နိုင်ငံတော်အပိုင်းက လုပ်နေပါကြောင်း၊ ပြည်သူနှင့်က သီးခြားစီဖြစ်နေခြင်း ပြည်သူက မည်ကဲ့သို့အသုံးချရမည်ဆိုသည်လည်း မရှိခြင်း၊ ထို့ကြောင့် e-Government နှင့် National Database System ၏ ချိတ်ဆက်မှုအတူတူ Single Platform ဖြစ်ခြင်းအပေါ် ပြည်သူက အကျိုးရှိဆုံး အသုံးချနိုင်ရန်လည်း လိုအပ်ပါကြောင်း၊ အလားတူ အစိုးရကလည်း အကျိုးရှိဆုံး အသုံးချနိုင်ရန်လည်း လိုအပ်ပါကြောင်း၊ မိမိတို့လက်ရှိ ရင်ဆိုင်နေရသည့် အခက်အခဲတော်တော်များများသည့် ပြီးပြည့်စုံသွားမည်ဟု ယူဆပါကြောင်း၊ ထို့ကြောင့် ပြည်သူကို Awareness ပေးရန်နှင့် ပြည်သူကို Educate လုပ်ရန်အတွက် နိုင်ငံတော်အစိုးရအနေဖြင့် ဆက်လက်ပြီး ဆောင်ရွက်နိုင်ရန်အတွက် ဆက်စပ်မေးခွန်း မေးမြန်းရခြင်းဖြစ်ပါသည်။

ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဒုတိယဝန်ကြီး ဦးကျော်မျိုး

e-Government စနစ်ဖြစ်ဖြစ် National Data Center လုပ်သည့်နေရာတွင် အစိုးရဌာန အချင်း ချင်းတွင်မက e-Government ၏ ရည်ရွယ်ချက်က G to G ခေါ်သည့် Government to Government အစိုးရအချင်းချင်း၊ နောက် G to C ခေါ်သည့် Government to Citizen ပြည်သူများနှင့် အစိုးရကြား၊ နောက်တစ်ခုက G to B စီးပွားရေးလုပ်ငန်းအနေဖြင့် အစိုးရကြား အချိတ်အဆက်များကို မိမိတို့အားလုံး ဆောင်ရွက်သွားမည် ဖြစ်ပါကြောင်း၊ ပြည်သူများကို Awareness ပေးရန် အတွက်ကိုလည်း ဆောင်ရွက်သွားမည် ဖြစ်ပါကြောင်း၊ ယခုအချိန်အထိ e-Government နှင့် ပတ်သက်ပြီး Consultation များပြုလုပ်ပါကြောင်း၊ အစိုးရချည်းခြင်းမျိုး မဟုတ်ဘဲ ဆောင်ရွက်နေခြင်း မဟုတ်ဘဲ မြန်မာကွန်ပျူတာအသင်းချုပ်ကို ပုဂ္ဂလိကဘက်က  NGO များနှင့်လည်း အမြဲညှိနှိုင်း တိုင်ပင်ဆွေးနွေးပြီး အားလုံးပြီးပြည့်စုံအောင် ဆောင်ရွက်သွားမည် ဖြစ်ပါကြောင်း ရှင်းလင်း ဖြေကြား ပါသည်။

ဖြေကြားသူ
ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဒုတိယဝန်ကြီး ဦးကျော်မျိုး
ဖြေကြားသည့် ဝန်ကြီးဌာန

(စ)-ပြည်တွင်းစက်မှုဇုန် မော်တော်ယာဉ် ပြန်လည် ထုတ်လုပ် ခွင့်ပြုခြင်းနှင့် ပြည်တွင်း စက်မှုဇုန်ထုတ် အမည်ခံ အယောင်ပြ၍ တရားမဝင် တင်သွင်းလာ သော ယာဉ်များအား မှတ်ပုံတင်ခွင့်ပြုခဲ့ခြင်းများ မ ဖြစ်ရေးအတွက် မည်ကဲ့သို့ စီမံဆောင်ရွက်ထား သည် နှင့်စပ်လျဉ်းသည့် မေးခွန်း

Submitted by on 10 July 2017

photo၂၀၀၀ ခုနှစ်ပတ်ဝန်းကျင်မှစပြီး ပြည်တွင်းမော်တော်ယာဉ်ထုတ်လုပ်မှုများကို စတင်ခွင့်ပြုခဲ့သည့် အချိန်သည် ပြည်ပမှမော်တော်ယာဉ် တင်သွင်းမှုများကို ကန့်သတ်ထားသော အချိန်ဖြစ်ပြီး ပြည်တွင်းရှိ စစ်ကျန်ဂျစ်ကားများကို အင်ဂျင်နှင့် ကိုယ်ထည်အစိတ်အပိုင်းများ လဲလှယ်ပြုပြင် မွမ်းမံကာ လမ်းကြမ်းများတွင် အသုံးပြုခြင်းဖြင့် များစွာအဆင်ပြေနေချိန်လည်း ဖြစ်ပါကြောင်း၊ ကနဦးတွင် ဂျစ်ကားများကို ပြည်ပမှ တင်သွင်းလာသော အစိတ်အပိုင်းများနှင့် ပြည်တွင်းထုတ် ဘောင်ကိုယ်ထည်များ တွဲစပ်၍ စတင်ထုတ်လုပ်ခဲ့ပါကြောင်း၊ ၂၀၀၃ ခုနှစ်ခန့်တွင် ရန်ကုန်၊ မန္တလေးမြို့ကြီးများတွင် စက်မှုဇုန်ထုတ်မော်တော်ကားပြပွဲများ ပြုလုပ်ပြီး ဂျစ်ကားများသာမက Pickup, Wagon, MPV, Mini Bus, Light-Truck နှင့် Truck ကားကြီးများ အထိ ထုတ်လုပ်ခွင့်ပေးခဲ့ပါကြောင်း၊ ရိုးရှင်းသောဂျစ်ကားများ၏ ကိုယ်ထည်ဘောင်များကို ပြည်တွင်းတွင်  ထုတ်လုပ်ရန် လွယ်ကူသော်လည်း အဆင့်မြင့်ကားများ၏ ကိုယ်ထည်ဘောင် များကို အဆင့်မီထုတ်လုပ်နိုင်ခြင်းမရှိပါကြောင်း၊

ကားတင်သွင်းခွင့်ပိတ်ပင်ထားခြင်းကို အခွင့်ကောင်းယူပြီး စက်မှုဇုန်ထုတ် လက်ရိုက်ကိုယ်ထည် ဘောင်များဖြင့် တပ်ဆင်ထုတ်လုပ်ကာ ယာဉ်မှတ်ပုံတင်ခဲ့ပြီး  ခွင့်ပြုပြီး စက်မှုဇုန်ကားမှ ဘောင်နှင့် ကိုယ်ထည်နံပါတ်များကို ဖြတ်ယူပြီး တရားမဝင် တင်သွင်း လာသော ပုံစံတူမော်တော်ယာဉ်များတွင် ဖြတ်၊ ဖောက်၊ ဆက်ပြုလုပ်ကာ ထုတ်လုပ်ရောင်းချသော ဈေးကွက်ကြီးပေါ်ပေါက်လာခဲ့ရပါကြောင်း၊ ကုန်လမ်းပို့ဆောင်ရေး ညွှန်ကြားမှုဦးစီးဌာနမှ ထိုပြောင်းလဲမှုများကို ဒဏ်ကြေးပေးဆောင်စေပြီး RTA ကိုယ်ထည်ဘောင်နံပါတ်များ ရိုက်နှိပ်ပေးပြီး တရားဝင်ဖြစ်စေခဲ့ပါကြောင်း၊ ယာဉ်တင်သွင်းခွင့်ပါမစ်မလို၊ မည်သည့်အခွန်မှ မပေးဆောင်ရဘဲ ဂျပန်ကားများကို ထုတ်လုပ်ရောင်းဝယ်နိုင်ကာ အယောင်ဆောင်စက်မှုဇုန် ကားထုတ်လုပ်မှုဈေးကွက် ကြီးထွားလာခဲ့ရပါကြောင်း၊  ဂျပန် Van car, Wagon ကားများ၏ နောက်ခန်းအပေါ်ပိုင်းကို ဖြတ်ပြီး Pickup ကားအဖြစ် အသွင်ပြောင်းထုတ်လုပ်ခြင်း၊ စက်မှုဇုန်ကားထုတ်လုပ်မှုကို အယောင်ပြပြီး တရုတ်နိုင်ငံထုတ် ကားများကို ပြည်တွင်း၌ တပ်ဆင်ကာ အခွန်ရှောင်ထုတ်လုပ်ခြင်းများလည်း ပေါ်ပေါက်ခဲ့သည့် အကျိုးဆက်မှာ ပြည်တွင်းစက်မှုလုပ်ငန်းများ မှန်ကန်စွာဖွံ့ဖြိုးတိုးတက်လာမှု မရှိခြင်း၊ နိုင်ငံတော် အခွန်ဘဏ္ဍာများ နစ်နာဆုံးရှုံးခြင်း၊ သုံးစွဲသူများ အရည်အသွေးမမီ ဖြတ်၊ ဖောက်၊ ဆက်များကြောင့် ယာဉ်အန္တရာယ်များ ကြုံတွေ့ရခြင်းနှင့် သက်တမ်းမပြည့်မီ ယာဉ်အို၊ ယာဉ်အဟောင်းအဖြစ် ဖျက်သိမ်း လိုက်ရခြင်းများကို တွေ့ရပါကြောင်း၊ နိုင်ငံတော်၏ စက်မှုစီးပွားဖွံ့ဖြိုးမှုကို မည်သို့မျှအထောက်အကူမပြုသည်ကို တွေ့ရမည်ဖြစ်ပါကြောင်း၊

လူဦးရေ ၅၂ သန်းရှိပြီး ဒေသတွင်းအချက်အချာကျသော တည်နေရာတွင်ရှိနေသည့်  မိမိတို့နိုင်ငံတွင် မော်တော်ယာဉ်နှင့် အစိတ်အပိုင်းထုတ်လုပ်သော စက်မှုလုပ်ငန်းများ ဝင်ရောက်ရင်းနှီးမြှုပ်နှံဆောင်ရွက်ရန် အခွင့်အလမ်းကောင်းများ များစွာရှိနေပါကြောင်း၊ မှန်ကန်သော မူဝါဒများဖြင့် မော်တော်ယာဉ်ထုတ်လုပ်မှု(Global Supply Change) ဝင်ရောက်ရင်းနှီးမြှုပ်နှံစေရေး၊ ပြည်တွင်းထုတ်လုပ်မှုအချိုးအစား(Localization)အားဖြင့် အဆင့် လိုက် ပြည်တွင်းထုတ်လုပ်မှုတိုးတက်ပါဝင်စေရေး၊ ပြည်တွင်းလုပ်ငန်းရှင်များ အရင်းအနှီး၊ နည်းပညာများ ရယူပြီးတော့ ထုတ်လုပ်မှုကွင်းဆက်များ ပါဝင်ခွင့်ရှိစေခြင်းဖြင့် မှန်ကန်သော စက်မှု ဖွံ့ဖြိုးတိုးတက်မှုကို ရရှိမည်ဖြစ်ပါကြောင်း၊ သို့ပါ၍ ပြည်တွင်းစက်မှုဇုန်မော်တော်ယာဉ်ထုတ်လုပ်မှု ပြန်လည်ထုတ်လုပ်ခွင့်ပြုခြင်းနှင့်ပတ်သက်၍ သိရှိလိုသည်မှာ (၁) ထုတ်လုပ်ခွင့်ပြုသည့် စုစုပေါင်း မော်တော်ယာဉ်အရေအတွက်နှင့် ကိုယ်ထည်အမျိုးအစားများ၊ (၂) ပြည်တွင်းတွင်ထုတ်လုပ်သည့် အစိတ်အပိုင်းနှင့် ပြည်ပမှတင်သွင်းသည့် အစိတ်အပိုင်းအချိုး၊ (၃) အရည်အသွေးစံသတ်မှတ်ချက်များ၊ ဥပမာ အစိတ်အပိုင်းသစ်များ သို့မဟုတ် အသုံးပြုပြီးအစိတ်အပိုင်းများ၊ ကာဗွန်ထုတ်လွှင့်မှု စံသတ်မှတ်ချက်(Imaging Standard)၊ ဘယ်မောင်း သို့မဟုတ် ညာမောင်း၊ (၄) ထုတ်လုပ်မှု လုပ်ငန်းစဉ်အဆင့်ဆင့်၊ (၅) ဘေးအန္တရာယ်ကင်းရှင်းစေရေးနှင့် လုံခြုံစိတ်ချမှုရှိစေရေး(Road Safety Test)၊ အထက်ပါအချက်များနှင့်ပတ်သက်၍ မည်ကဲ့သို့ သတ်မှတ်၊ စမ်းသပ်၊ စစ်ဆေး၊ ကြပ်မတ် ဆောင်ရွက်နေကြောင်းနှင့် ယခင်ကာလများကဲ့သို့ ပြည်တွင်းစက်မှုဇုန်ထုတ် အမည်ခံ အယောင်ပြ၍ ပြည်ပမှ တရားမဝင်တင်သွင်းလာသော မော်တော်ယာဉ်များအား ကိုယ်ထည် နံပါတ်များ ဖြတ်၊ ဖောက်၊ ဆက်ပြုလုပ်၍လည်းကောင်း၊ RTA နံပါတ်ထုခွင့်ပြု၍ လည်းကောင်း၊ ယာဉ်မှတ်ပုံတင်ခွင့်ပြုခဲ့ခြင်းများ မဖြစ်ပေါ်စေရေးအတွက် မည်ကဲ့သို့စီမံ ဆောင်ရွက်ထားသည်ကို သိရှိလိုပါကြောင်း မေးမြန်းပါသည်။


 

photoယခုအစိုးရသစ် လက်ထက်တွင် ယခင်စက်မှုဇုန်များမှ မော်တော်ယာဉ်ထုတ်လုပ်မှုများအတွက် ဆက်လက်၍ ထုတ်လုပ်ခွင့်ပြုပေးခဲ့ခြင်းမရှိသည်ကို သိရှိရပါကြောင်း၊ ယခင်အစိုးရလက်ထက်က ထုတ်လုပ်ခွင့်ရရှိခဲ့သော စက်မှုဇုန်များက သွင်းကုန်လိုင်စင်နှင့် တရားဝင်တင်သွင်းခဲ့သော အစိတ်အပိုင်းများ၊ ကားပစ္စည်းအဟောင်းများနှင့် ၎င်းတို့အလုပ်ရုံထုတ် ပစ္စည်းများနှင့် တပ်ဆင် ထုတ်လုပ်ခဲ့သည့် လက်ကျန်များအနက် သတ်မှတ်ချက်များနှင့် ကိုက်ညီပြီး အစစ်ဆေးခံနိုင်သော မော်တော်ယာဉ် ၂၇၄ စီးကိုသာ မူဝါဒနှင့်အညီ စစ်ဆေးပေးခဲ့သည်ဟု သိရှိရပါကြောင်း၊ လက်ရှိတွင် ယခင်စက်မှုဇုန်ခေတ်က ပစ္စည်းအဟောင်းများနှင့် မော်တော်ယာဉ် ထုတ်လုပ်ခဲ့သော စနစ်ကို ဆက်လက်ခွင့်မပြုတော့ဘဲ နိုင်ငံတကာမှ ပညာရှင်များနှင့်ပူးပေါင်းပြီး နိုင်ငံတကာ အဆင့်မီ ထုတ်လုပ်နိုင်ရန်အတွက် မြန်မာနိုင်ငံ ရင်းနှီးမြှုပ်နှံမှု ကော်မရှင်(MIC)၏ ခွင့်ပြုချက်ဖြင့် ပြည်တွင်း ပုဂ္ဂလိကနှင့် ဖက်စပ်လုပ်ငန်းများအနေဖြင့် ထုတ်လုပ်မည့် Brand new မော်တော်ယာဉ် အသစ်များကိုသာ SKD စနစ်ဖြင့် ထုတ်လုပ်ခွင့်ပြုလျက်ရှိပြီး ထုတ်လုပ်မှုစရိတ် သက်သာစေရန် အတွက် MIC ၏ ခွင့်ပြုချက်ဖြင့် ပထမသုံးနှစ်အတွင်း သွင်းကုန်အခွန်ကင်းလွတ်ခွင့်ရရှိမည်ဟု  သိရှိရပါကြောင်း၊ အဆိုပါ မော်တော်ယာဉ်အသစ်များကို မူလထုတ်လုပ်သူများ၏ နည်းပညာ၊ စက်ကိရိယာများနှင့် အင်ဂျင်နီယာများက စနစ်တကျတပ်ဆင်ထုပ်လုပ်သောယာဉ်များ၏ စစ်ဆေး အတည်ပြုချက် လက်မှတ်(Inspection Certificate) များကို သက်ဆိုင်ရာဌာနများ ပါဝင်သော ပူးပေါင်းအဖွဲ့နှင့် ထပ်ဆင့်အတည်ပြုချက် (Certificate of approval) ထုတ်ပေးပြီးနောက် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ကုန်လမ်းပို့ဆောင်ရေးညွှန်ကြားမှု ဦးစီး ဌာန (ကညန)က တရားဝင် မှတ်ပုံတင်လိုင်စင် ထုတ်ပေးလျက် ရှိပါကြောင်း၊ သို့ဖြစ်ပါ၍ စက်မှုဝန်ကြီး ဌာနအနေဖြင့် ပြည်တွင်းစက်မှုဇုန်ထုတ်အရောင်းပြု၍ တရားမဝင်ကားများကို မှတ်ပုံတင်ခွင့် (လုံးဝ)ခွင့်မပြုဘဲ စက်မှုဇုန်များတွင် အင်ဂျင်ဟောင်းများ၊ စက်ပစ္စည်းအစိတ်အပိုင်းဟောင်းများ အသုံးပြု၍ မော်တော်ယာဉ်ထုတ်လုပ်မှုများကို ရပ်ဆိုင်းထားပြီးဖြစ်သဖြင့် ယခုအချိန်တွင် ဆက်လက် ထုတ်လုပ်ခွင့်မပေးတော့ပါကြောင်းနှင့် မော်တော်ယာဉ်အသစ်များကိုသာ မူဝါဒနှင့် အညီ ထုတ်လုပ်ခွင့်ပြုလျက်ရှိနေပါကြောင်း၊

ဒုတိယမေးခွန်းဖြစ်သော ယခင်ကာလများကဲ့သို့ ပြည်တွင်းစက်မှုဇုန်ထုတ်အမည်ခံအယောင်ပြ၍ ပြည်ပမှတရားမဝင်တင်သွင်းလာသော မော်တော်ယာဉ်များအား ကိုယ်ထည်နံပါတ်ဖြတ်၊ ဖောက်၊ ဆက်ပြုလုပ်၍လည်းကောင်း၊ RTA ကိုယ်ထည်နံပါတ် ထုခွင့်ပြု၍လည်းကောင်း၊ ယာဉ်မှတ်ပုံတင် ခွင့်ပြုခဲ့ခြင်းများ မဖြစ်ပေါ်စေရေးအတွက် မည်ကဲ့သို့စီမံ ဆောင်ရွက်ထားသည်ကို သိရှိလိုခြင်းနှင့် စပ်လျဉ်း၍ ကညနက စက်မှုဇုန်ထုတ်ယာဉ်များကို ကနဦးယာဉ်စစ်ဆေးခဲ့ရာတွင် သံဘောင်တွင် Z Code သင်္ကေတနှင့် ကိုယ်ထည်တွင် RTA အမှတ်များ သတ်မှတ်ရိုက်နှိပ်ပေးခဲ့ပါကြောင်း၊ ပြည်တွင်းစက်မှုဇုန်များ ၂၀၀၁-၀၂ ခုနှစ်ကစပြီး ကားများ စတင်ထုတ်လုပ်ခဲ့ရာ ၂၀၁၇ ခုနှစ်၊ ဇွန်လ ၃၀ ရက်နေ့အထိ ယာဉ်စီးရေပေါင်း ၁၀၈၃၀၉ စီး မှတ်ပုံတင်ဆောင်ရွက်ပေးခဲ့ပြီးဖြစ်ပါကြောင်း၊ ယခင်က ကညနတွင် မှတ်ပုံတင်ထားသော ပြည်တွင်းစက်မှုဇုန်ထုတ်ယာဉ်များ ကနဦးမှတ်ပုံတင် သက်တမ်းတစ်နှစ်ပြည့်ပြီး နှစ်လဲသက်တမ်း တိုးဆောင်ရွက်ရာတွင် ကိုယ်ထည်၊ သံဘောင်၊ ဦးခေါင်းစသော  အစိတ်အပိုင်းများ မမှန်မကန်ပြောင်းလဲသည်ကို စစ်ဆေးတွေ့ရှိရပါက အမှုတွဲ တစ်ခုချင်းအလိုက် ကညန(ရုံးချုပ်)သို့ တင်ပြရန်ညွှန်ကြားပေးခဲ့သော်လည်း ယာဉ်ပိုင်ရှင်များ ကြုံတွေ့ရသောအခက်အခဲများကို ဖြေလျော့ပေးရေးနှင့် လုပ်ငန်းများ မြန်ဆန်ချောမွေ့စေရေး အတွက် သက်ဆိုင်ရာ တိုင်းဒေသကြီး/ ပြည်နယ်/ခရိုင် ဦးစီးမှူးများအနေဖြင့် တာဝန်ယူစိစစ် ခွင့်ပြုပြီး ပြောင်းလဲသော အစိတ်အပိုင်းများအတွက် သတ်မှတ်ဒဏ်ကြေးများကောက်ခံပြီး ဆောင်ရွက်ပေးခဲ့ပါကြောင်း၊ ထိုကဲ့သို့ စက်မှုဇုန်ထုတ်ယာဉ်များကို ဒဏ်ကြေးကောက်ခံပြီး ပြည်နယ်/တိုင်းဒေသကြီး/ခရိုင် ရုံးများ၌ သက်တမ်းတိုးဆောင်ရွက်ပေးခဲ့သော်လည်း ပြောင်းလဲတပ်ဆင်မှုများသည် လျော့နည်း လာခြင်းမရှိဘဲ အစိတ်အပိုင်းမမှန်မကန် ပြောင်းလဲခြင်း များနှင့်ဆက်စပ်ပြီး လုပ်ငန်းများရှုပ်ထွေး စေသည့်အတွက် ကနဦးယာဉ်စစ် ဆေးစဉ်က အတည်ပြု ထားသော အစိတ်အပိုင်းများအတိုင်းသာ နှစ်လဲသက်တမ်းတိုး ဆောင်ရွက်ပေးရန်နှင့် ပြောင်းလဲခြင်းများကို လုံးဝခွင့်မပြုခြင်းမရှိဘဲ မှတ်ပုံတင်ဖျက်သိမ်းမည်ဖြစ်ကြောင်း စာသားကို မှတ်တမ်းကတ်နှင့် ယာဉ်မှတ်ပုံတင်စာအုပ်များတွင် အနီရောင်တံဆိပ်တုံး ရိုက်နှိပ်ပြီး ၂၀၁၄ ခုနှစ်ကစပြီး ဆောင်ရွက်ခဲ့ပါကြောင်း၊

သို့သော်လည်း ပြည်တွင်းစက်မှုဇုန်ထုတ်ယာဉ်များ၏ အစိတ်အပိုင်းများကို ပြည်ပစက်ရုံထုတ်ပုံစံ အစားထိုးပြောင်းလဲပြုပြင်ခြင်း ယာဉ်မှတ်ပုံတင်လုပ်ငန်းများ လာရောက် ဆောင်ရွက်နေဆဲ ဖြစ်သည်ကို စိစစ်တွေ့ရှိရသည့်အတွက် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ စီမံခန့်ခွဲရေး ကော်မတီ၏  ၂၀၁၆ ခုနှစ် ဇူလိုင်လ အစည်းအဝေး အမှတ်စဉ်(၁/၂၀၁၆)က ပြည်တွင်းစက်မှုဇုန် ထုတ်ယာဉ်များ၏ အစိတ်အပိုင်းများကို ပြည်ပစက်ရုံထုတ်ပုံစံဖြင့် အစားထိုးပြောင်းလဲပြုပြင်ခြင်း များကို လက်ခံဆောင်ရွက်ပေးခြင်းမပြုရေးကို တိကျစွာလိုက်နာ ကျင့်သုံးဆောင်ရွက်ရန် ဆုံးဖြတ်ခဲ့သည့်အတွက် ပြည်တွင်းစက်မှုဇုန်ထုတ်ယာဉ်များ၏ အစိတ်အပိုင်းများကို ပြည်ပစက်ရုံ ထုတ်ပုံစံဖြင့် အစားထိုး ပြောင်းလဲခြင်းကို လက်ခံဆောင်ရွက် ပေးခြင်းမပြုရန် ညွှန်ကြားချက် ထုတ်ပြန်ပြီး ၂၀၁၆ ခုနှစ်၊ စက်တင်ဘာလ ၁ ရက်နေ့မှစ၍ လက်ခံဆောင်ရွက်ပေးခြင်း မပြုပါ ကြောင်း ရှင်းလင်းဖြေကြားပါသည်။

ဦးဝင်းထွဋ်(ဖျာပုံ) က ဆက်စပ်မေးခွန်း မေးမြန်းပါသည်။

ဝန်ကြီးဖြေကြားချက်များအရ ယခင်နှစ်ကျန် ၂၇၄ စီးကို ခွင့်ပြုထားသည်ဟု သိရှိရပါကြောင်း၊ မိမိအနေဖြင့် မေးမြန်းလိုသည်မှာ (၁) ပြည်တွင်းစက်မှုဇုန်မော်တော်ယာဉ် ထုတ်လုပ်မှုများကို ခေတ္တရပ်ဆိုင်းထားသည့်အခါ ထုတ်လုပ်ခွင့်ပြုရန် ကျန်ရှိနေသော ယာဉ်အစီးရေ ၂၀၀၀ ခန့်ထဲမှ  အစီးရေ ၁၆၀၀ ခန့်ကို ထုတ်လုပ်ခွင့်ပြုထားခြင်းရှိ/မရှိ၊ (၂) စက်မှုဝန်ကြီးဌာန၊ မော်တော်ယာဉ်နှင့် လယ်ယာသုံးစက်ပစ္စည်းများ ထုတ်လုပ်မှုကြီးကြပ်ရေးနှင့် စစ်ဆေးရေးအဖွဲ့အနေဖြင့် ယာဉ် စစ်ဆေးခံရန် စည်းကမ်းချက်များတွင် ဒဏ်ကြေးပေးဆောင်စေပြီး ဖြေလျှော့ပေးထားသော အချက်များမှာ Cast Frame Body များကို Original ဖြစ်ပါက အောက်ပါအတိုင်း ဒဏ်ကြေးပေးဆောင်ရမည်ဆိုပြီး ဒဏ်ကြေးကောက်ခံထားပါကြောင်း၊ Original 1 Ton Light Truck တစ်စီးကို Original Cast ဖြစ်ပါက ၁၀ သိန်း၊ Original Frame ဖြစ်ပါက တစ်သိန်း၊ Original Body ဖြစ်ပါက တစ်သိန်း၊ သတ်မှတ်ချက်နှင့်မကိုက်ညီသော တင်သွင်းမှုများ ဖြစ်ပါက တစ်သိန်း စုစုပေါင်း ၁၃ သိန်းဖြစ်ပါကြောင်း၊ 2 Ton နှင့် 2.5 Ton Truck များကိုလည်း ထိုနည်းတူစွာ ဒဏ်ကြေး ၁၄ သိန်း သတ်မှတ်ထားပါကြောင်း၊ ပြည်တွင်းဖြစ် Cast Frame ဖြစ်ပါက ၎င်းဒဏ်ကြေးများကို ပေးသွင်းရန်မလိုဟု စည်းကမ်းချက်များ ထုတ်ပြန်ထားပါကြောင်း၊ စက်မှုဇုန်ကားထုတ်လုပ်မှုတွင် ပြည်တွင်းက အမှန်တကယ်ထုတ်လုပ်နိုင်သည်မှာ Cast၊ Body နှင့် Frame များဖြစ်ပါကြောင်း၊ ၎င်း Cast Frame Body များကို ဖြေလျော့ပြီး ဒဏ်ကြေးများ ပေးဆောင်ခိုင်းခြင်းအားဖြင့် ပြည်တွင်းထုတ်လုပ်မှု မပါသကဲ့သို့ဖြစ်ပြီး ပြည်ပကတရားမဝင် တင်သွင်းသည့် ကားများကို စက်မှုဇုန်အဖြစ် အသွင်းပြောင်းရန်အတွက် ခွင့်ပြုပေးမည့် အနေအထားမျိုးကို တွေ့ရှိရသည့်အတွက် ဆက်စပ်မေးခွန်းအဖြစ် မေးမြန်းလိုသည်မှာ ကျန်ရှိသည့် ကားများကို ယခုကဲ့သို့ စစ်ဆေးခွင့်ပြုချက်ပေးသည့်နေရာတွင် မူလသတ်မှတ်ထားသည့် သတ်မှတ်ချက်များနှင့်အညီ ပြည်တွင်းဖြစ်နှင့် ပြည်ပတင်သွင်းမှုအချိုးကို စနစ်တကျစိစစ်ပြီး အခြားသတ်မှတ်ချက်များကိုလည်း စနစ်တကျစိစစ် ကြပ်မတ်ပြီး ထုတ်လုပ်နိုင်ရန်အတွက် ဆောင်ရွက်ပေးနိုင်ခြင်းရှိ/မရှိ သိရှိလိုပါကြောင်း မေးမြန်းပါသည်။

ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ဒုတိယဝန်ကြီး ဦးကျော်မျိုး

စက်မှုဝန်ကြီးဌာနနှင့် ပေါင်းစပ်ညှိနှိုင်းပြီး ဖြေကြားရသည့်အတွက် သေချာစိစစ်ပြီး ဆောင်ရွက်ပေးသည်ဟု ဖော်ပြထားပါကြောင်း၊ အစစ်ဆေးခံနိုင်သည့် မော်တော်ယာဉ် ၂၇၄ စီးကိုသာ စစ်ဆေးပေးခဲ့သည်ဟုလည်း ဖြေကြားထားခြင်းဖြစ်ပါကြောင်း၊ စက်မှုဝန်ကြီးဌာန၏ အခန်းကဏ္ဍဖြစ်သည့်အတွက် ပို့ဆောင်ရေးနှင့်ဆက်သွယ်ရေး ဝန်ကြီးဌာနအနေဖြင့် ကိုယ်စားဖြေကြား၍ မရပါကြောင်း ရှင်းလင်းဖြေကြားပါသည်။

ဖြေကြားသူ
ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဒုတိယဝန်ကြီး ဦးကျော်မျိုး
ဖြေကြားသည့် ဝန်ကြီးဌာန
Subscribe to ပို့ဆောင်ရေးနှင့် ဆက်သွယ်ရေး